Հայաստանի քրիստոնեա-դեմոկրատական շարժման ղեկավար, քաղաքագետ Լևոն Շիրինյանը իր ֆեյսբուքյան էջում գրել է.
«Բարեկա՛մ,
համաձայն Ձեր պահանջների՝ ես՝ որպես ՀԱՅԱՍՏԱՆԻ ՔՐԻՍՏՈՆԱ-ԴԵՄՈԿՐԱՏԱԿԱՆ ՇԱՐԺՄԱՆ ղեկավար, իմ ընկերների և համախոհների հետ մտնում եմ Ազգային Ժողովի արտահերթ ընտրությունների մրցապայքարի մեջ՝ գլխավորելով ՔՐԻՍՏՈՆԵԱ-ԺՈՂՈՎՐԴԱԿԱՆ ՎԵՐԱԾՆՈՒՆԴ ԿՈՒՍԱԿՑՈՒԹՅԱՆ նախըտրական ցուցակը:
Մեր նպատակն է ԱԺ-ում ձևավորել աջ-կենտրոն բևեռը hայկական արքետիպի հիմքի վրա:
- Հայաստանում և սփյուռքում ծավալել քրիսոնեական վերկանգնումի շարժում, որի հիմքը Հայոց մշակութային-քաղաքակրթական ինքնությունն է:
- Մաս կազմել Համաշխարհային քրիստոնեական շարժման իտերնացիոնալին:
Այս բոլորը թույլ է տալու Հայաստանից արտահանել քրիստոնեական արժեհամակարգ՝ կրկնելով 301 թվականից հետո ընկած Հայաստանի պատմական փորձը: Ուստի հասկանալի է, որ այս աշխատանքի համար պահանջվում են ահռելի ջանքեր և կազմակերպական ներուժ: Իսկ կոնկրետ մեր պայքարը լինելու է.
Պայքար
- ազգային-պահպանողական և քրիստոնեական արժեհամակարգի վերածննդի համար:
- ԱԺ-ում ժողովրդավարության և իրական պառլամենտարիզմի համար
- ժողովրդի ինքնիշխքնության (սուվերենիտետ) ամրապնդման համար
- իրավական և սոցիալական պետություն ունենալու համար
- տնտեսական քաղաքականության ոլորտում սոցիալական շուկայական տնտեսակարգի հաստատման (օրդոլիբերալ ուղղություն) համար
- բարձր մշակույթի գերակայության հաստատման համար
- արտաքին քաղաքականության ոլորտում Հայամետության հաստատման և Հայաստանակենտրոն գեոստրատեգիական սկզբունքի կիրառման համար:
