Ֆրանսահայ ճանաչված երգչուհի Ռոզի Արմենը եւս սգում է ընկերոջ, գործընկերոջ եւ հայրենակցի մահը։ Նա Շառլ Ազնավուրին նվիրված գրառում է կատարել իր ֆեյսբուքյան էջում:
Ինչպիսի մեծ տխրություն է կորցնել աշխարհով մեկ այդքան սիրված արտիստին: Նրա երգերն, իհարկե, կմնան հավերժ: Ինչպիսի խիզախ անձնավորություն` նա երբեք թոշակի չգնաց, նա մշտապես հանդես էր գալիս աշխարհի տարբեր բեմերից։ Շառլ, մենք քեզ սիրել ենք, սիրելու ենք ընդմիշտ, միշտ լսելու ենք քո երգերը, մենք քեզ երբեք չենք մոռանա։
Մեզ` աշխարհի բոլոր հայերիս համար, դու ինչ-որ տեղ հայր ես եղել, եւ հիմա մենք որբ ենք։ Դու հատուկ տեղ ունես Աստծո կողքին, եւ նա մշտապես իր թեւի տակ կպահի քեզ։
Ցավակցությունս եմ հայտնում նրա ընտանիքին, քրոջը` Աիդային, նրա մտերիմներին, ընկերներին եւ բոլոր երկրպագուներին։
Մեծ պաչիկ, իմ Շառլ,- գրել է Ռոզի Արմենը:
