Բաղադրիչներ
- ելակ - 300 գր
- կաթնաշոռ - 200 գր
- թխվածքաբլիթ - 200 գր
- կարագ - 100 գր
- շաքարի փոշի - 20 գր
Պատրաստման եղանակ
Փափկած կարագը հարում ենք շաքարի փոշու հետ։ Շաքարի փոշու քանակը կարող եք ավելացնել կամ պակասեցնել՝ կախված թխվածքաբլիթների քաղցրությունից։
Ավելացնում ենք կաթնաշոռն ու լավ խառնում ենք։
Մաս-մաս ավելացնում ենք թխվածքաբլիթներն ու թիակով խառնում ենք։
Ստացվում է ոչ կպչուն, բայց ոչ շատ պինդ խմոր։
Խմորագնդից մի փոքր վերցնում ու բացում ենք։
Մեջտեղում դնում ենք ելակը։
Ելակը խմորի հետ փաթաթում ու վերածում ենք գնդիկների։
Թաթախում ենք կոկոսի քերուկի մեջ։
Կարելի է թաթախել նաև քերած շոկոլադի մեջ։ Այնուհետև 1-2 ժամ պահում ենք սառնարանում։
Համեղ գնդիկները պատրաստ են։
