Հայոց ցեղասպանության ճանաչման հարցը այս կամ այն երկրի կողմից քաղաքական շահարկումների առարկա չդարձնելու լավագույն տարբերակը տվյալ երկրի հետ պետական-դիվանագիտական, իրավաքաղաքական խողովակներով ուղիղ՝ երկկողմանի ֆորմատով աշխատանքն է։ Տվյալ դեպքում՝ Իսրայելի կողմից ցեղասպանության ճանաչման հարցում դրական հանգուցալուծում թերևս կարող ենք ապահովել այն ժամանակ, եթե հայ-իսրայելական հարաբերություններում արձանագրենք խորքային ու բազմակողմանի առաջընթաց։