Մի սկսնակ ընկերության համար բիզնես պլան էինք մշակում, հասել էինք ներդրումների բաժնին: Սկսեցինք քննարկել թե որտեղից գտնենք ֆինանսական միջոցների պակասող մասը: Առաջինը, որ հիմնադրի միտքը եկավ, դիմել բանկին վարկ ստանալու նպատակով: Դե իհարկե, դեռ հարց էր բանկը սկսնակին վարկ կտա թե ոչ, բայց այնուամենայնիվ ի սկզբանե դեմ էի այդ գաղափարին: Ասեմ ինչու: Առաջին հերթին, սկսնակ բիզնեսը պետք է ձևավորի իր դրամական միջոցներ հոսքերը, մատակարարների ցանցը, հաճախորդների բազան: Մինչ այդ, վարկ վերցնելը ու առաջին ամսվանից վճարումներ անելը նման է պլանավորված ձախողման: Ստացվում է, որ սկսում ես բիզնեսը ու արդեն բանկը դառնում է անուղղակի բաժնետեր' զրոյական ռիսկով: Դու կհաջողես, բանկը կլինի քո կողքին, կձախողես, ու քանի որ ձախողել ես ի սկզբանե, ապա բանկը կփորձի իր տրամադրած գումաները ետ բերել: Ուզես թե չուզես:
Ես միշտ դեմ եմ եղել, որ սկսնակ բիզնեսները ի սկզբանե բանկից վարկ վերցնեն, բացառությանբ այն դեպքերի երբ այդ վարկերը արտոնյալ կամ սուբսիդավորված չեն: Այլ հարց է, երբ բիզնեսը արդեն ձևավորվել է, արդեն կան զանգացման միտումներ, արդեն կան ապագայի կանխատեսումներ: Այս դեպքում, հնարավոր են տարբերակներ, եթե չկա այլ ալտերնատիվներ: Բայց ոչ երբեք սկսնակների դեպքում…
