Ձե՞զ էլ է միշտ տանջել այն հարցը, թե ինչ են իրենցից ներկայացնում նոր գնված կոշիկի տուփի մեջ հանդիպող փոքրիկ փաթեթները, կամ ի՞նչ գործ ունեն դրանք այնտեղ։ Այդ փոքրիկ գնդիկների անունը սիլիկաժել է։ Այն չոր նյութ է՝ պոլիսիլիկաթթվի ջրազրկված ժել։
Փաստորեն, սիլիկաժելը կարելի է նաև օգտագոծել շատ այլ եղանակներով։
Գցեք սիլիկաժելով մի քանի փաթեթ մարզասրահի պայուսակի մեջ։ Այդպես կկանխեք բորբոսի առաջացումը։
Եթե հեռախոսն ընկել է ջրի մեջ, պետք չէ միանգամից խուճապի մատնվել, քանի որ ամեն ինչ դեռ կորած չէ։ Հեռախոսը դրեք որևէ ամանի կամ տոպրակի մեջ, գցեք սիլիկաժելի մի քանի փաթեթ և այդպես թողեք 1-2 օր։ Այդ ընթացքում սիլիկաժելը կներծծի հեռախոսի մեջ եղած հեղուկը, ինչի արդյունքում հեռախոսը կսկսի սովորական աշխատել։ Ասում են՝ սա շատ ավելի արդյունավետ միջոց է, քան բրինձը։
Մեքենայի դիմապակու մոտ սիլիկաժելի մի քանի փաթեթ մշտապես պահելը կօգնի ձեզ ազատվել մառախուղից և ապակու վրա առաջացող գոլորշուց։
Իսկ եթե ուզում եք, որ հին լուսանկարները չփչանան կամ խոնավությունից չկպչեն միմյանց, ապա նկարների տուփի մեջ սիլիկաժելի մեկ-երկու փաթեթ դրեք։
Բացի այդ՝ սիլիկաժելի փաթեթի հրաշալի հատկությունների շնորհիվ կարող եք ազատվել կոշիկների տհաճ հոտից։
