Գյումրու ավագանու կանոնակարգի 62-րդ հոդվածով սահմանված է, որ Գյումրու ավագանու հանձնաժողովի նիստի օրակարգի նախագիծը կազմում եւ հանձնաժողովի անդամներին է տրամադրում հանձնաժողովի նախագահը նիստից առնվազն երկու օր առաջ: (http://www.gyumricity.am/Deci…/Decision.10.11.2016/171.1.pdf)

Գյումրու ավագանու «ԳԱԼԱ» խմբակցությունը հայտարարում է, որ խախտվել է ավագանու կանոնակարգի երկու պահանջ միաժամանակ: Մասնավորաբար. 

1. Ավագանու կանոնակարգով սահմանված՝ ավագանու հանձնաժողովի նիստի մասին իրազեկումը իրականացնելու համար նախատեսված առնվազն երկօրյա ժամկետի փոխարեն իրազեկվել է մեկ օր առաջ: «Երկօրյա ժամկետ» հասկացությունը ողջամիտ մեկնաբանությամբ ենթադրում 48 ժամ, այնինչ նիստի մասին իրազեկվել է 27 ժամ առաջ: 

2. Գյումրու ավագանու «ԳԱԼԱ» խմբակցության անդամներին հանձնաժողովի նիստի մասին իրազեկել են ոչ թե հանձնաժողովների նախագահները, այլ աշխատակազմի քարտուղարի քարտուղարուհին:

Վերոհիշյալ հանգմանքները եւ հատկապես ավագանու հանձնաժողովների միացյալ նիստի մասին ուշացած տեղեկացումը իրական դժվարություններ է ստեղծում խմբակցության անդամների մասնակցության համար: Անհավանական համարելով, որ ավագանու հանձնաժողովների նախագահները եւ աշխատակազմի քարտուղարը անտեղյակ լինեին ավագանու կանոնակարգի պահանջներին «ԳԱԼԱ» խմբակցությունը չի բացառում, որ այսօրինակ իրազեկումը դիտավորյալ է ուշացվել, որպեսզի նվազագույնի հասցվի ավագանու այս խմբակցության անդամների մասնակցությունը հանձնաժողովների միացյալ նիստին:

Վերահիշյալ հիմքով, խնդիրը կարգավորելու նպատակով Գյումրու «ԳԱԼԱ» խմբակցությունը դիմում է Գյումրու քաղաքապետին եւ ավագանու հանձնաժողովների նախագահներին՝ հետեւյալ պահանջներով.

1. Հարգել Գյումրու ավագանու 2016 թ. նոյեմբերի 10-ին ընդունած Գյումրու ավագանու կանոնակարգի պահանջները. այսուհետ ավագանու հանձնաժողովների նիստերը հրավիրել կանոնակարգի պահանջած նորմերին համապատասխան:

2. Հնարավորության դեպքում հետաձգել դեկտեմբերի 14-ին ժամը 15-ին հրավիրված ավագանու հանձնաժողովների միացյալ նիստը եւ նոր ժամկետում այն նշանակելու դեպքում ավագանու անդամներին իրազեկել այդ մասին կանոնակարգում սահմանված կարգով:

Գյումրու ավագանու «ԳԱԼԱ» խմբակցություն

Արմենուհի Վարդանյան
Քրիստինա Մկրտչյան
Արման Գրիգորյան
Լեւոն Բարսեղյան