Թուրքիան մի քանի տասնյակ միավոր զրահատեխնիկա է կենտրոնացրել Սիրիային սահմանակից Հաթայ նահանգում:

Հռչակված նպատակը՝ նախորդ շաբաթ Աստանայում Ռուսաստանի, Թուրքիայի, Իրանի ներկայացուցիչների միջև Սիրիայի հարցով տեղի ունեցած 6-րդ հանդիպման արդյունքում ձեռք բերված հիմնական պայմանավորվածության համաձայն՝ ընդդիմության կողմից վերահսկվող Իդլիբ նահանգում դեէսկալացիոն նոր գոտու ստեղծման գործողության իրականացումն է:

Մինչդեռ, կասկածից վեր է՝ ինչպես նախորդ՝ «Եփրատի վահան» ռազմագործողության դեպքում էր՝ հռչակված նպատակից զատ թուրքական իշխանությունները շատ ավելի ջանադրաբար կերպով լծվելու են Սիրիայի նշված հատվածում սեփական դիրքերի առավել ամրապնդմանը՝ նաև հիմնականում սեփական հովանավորության ներքո գտնվող սիրիական ընդդիմադիր խմբավորումներին և թյուրքական էթնիկ խմբերին ցուցաբերվելիք աջակցության եղանականերով...