Հայաստանի նման պետություններն միջազգային հարաբերություններում որևէ մեսիջ տեղ հասցնելու և որևէ դիվիդենտ շահելու համար ունեն շատ քիչ գործիքներ: Այդ գործիքներից են՝ միջազգային հարթակներում ելույթները, երբեմն կոպիտ և ուղղված ինչ-որ բանի կամ պետության կամ երևույթի դեմ, քվեարկությունները և այս կամ այն մջոցառանը մասնակցելն ու չմասնակցելը:

Նմանօրինակ միջոցառում է նաև ՆԱՏՕ զորավարժությունը, դրան մասնակցելն ու չմասնակցելը, բնականաբար ինքնանպատակ լինել չի կարող: Եթե մասնակցում ենք, ապա ԱՄՆ-ն ու Եվրոպան պետք է ինչ-որ բան մեզ զիջեն կամ ի օգուտ մեզ գործեն, եթե չենք մասնակցում՝ բնականաբար ՌԴ-ն:


Այս պահին դեռ վաղ է խոսել հնարավոր օգուտների կամ մինուսների մասին: Ժամանակը ցույց տվեց, որ ԵԱՏՄ-ին անդամակցելով մենք ավելի շատ պլյուսներ ունենք, քան մինուսներ, դրա մասին է խոսում ապագայում ստորագրվելիք ասոցացման համաձայնագիրը։ Ժամանակը նաև ցույց կտա ՆԱՏՕ միջոցառմանը չմասնակցելու դրական և բացասական կողմերը:

 

Էդգար Խաչատրյան