Իրավունքի տեսությանը հայտնի է, որ սուբյեկտի իրավունքները և պարտականությունները կազմում են իրավազորության բովանդակությունը: Եթե սուբյեկտը օժտված է որոշակի իրավունքով, դրան հաջորդում է հանդիպակաց պարտականություն:


Օրինակ. իրավունք ես ձեռք բերել վարելու տրանսպորտային միջոց, պարտավոր ես պահպանել երթևեկության կանոնները:


Եթե ինքնդ քեզ իրավունք ես վերապահում զավթելու, ոչնչացնելու պետական օբյեկտներ, կյանքից զրկելու պետական ծառայողներին, այստեղ խախտվում է իրավազորության ամբողջ բովանդակությունը: Քանի որ դու օրենքից դուրս ես, իրավազորության ամբողջ ծավալն անցնում է պետությանը. պետական ուժային մարմինը ոչ միայն իրավունք ունի, այլ նաև պարտավոր է չեզոքացնելու պետության հիմքերը խարխլող ցանկացած արկածախնդիր քայլ:
Իրավախախտին մնում է այս դաշտում միայն մեկ իրավունք. ոչ թե ինքնադատաստանի ենթարկվել, այլ դատաքննությամբ որոշել նրանց ճակատագիրը և դրա հետ միասին հանդիպակաց պարտականություն. դատական նիստերը չվերածել շոույի կամ թատերական բեմականացման:

 

Մնացական Բիչախչյան