Շիրազ Խաչատրյանը ֆեյսբուքյան իր էջում գրում է․

Վարդենիս-Մարտակերտ մայրուղին կարևորագույն ռազմավարական նշանակություն ունի Հայաստանի և Արցախի համար։ Այս մայրուղին առաջին հերթին կարևոր է նաև Արցախի հյուսիսային շրջանների համար, որոնք սոցիալ-տնտեսական առումով կապված են հատկապես ՀՀ Վարդենիսի ու Մարտունու տարածաշրջանին: Իսկ ժամանակի ընթացքում Շահումյանի շրջանում հայերի վերաբնակեցումը, կառուցվող հասարակական նշանակության տարբեր օբյեկների առկայությունը, մշակութային, զբոսաշրջության զարգացման տարբեր ծրագրերի իրականացումը փաստում է մեկ կարևոր բան՝ Քարվաճառի մայրուղու շինարարությունն այն ռազմավարական բացառիկ ծրագրերից է, որը կյանքի կոչելու համար ՀՀ-ն և Արցախը չէին կարող ինքնուրույն քաղաքական որոշում կայացնել՝ առանց նախնական երաշխիքներ ունենալու, որ կկարողանան դիմագրավել միջազգային հանրության ճնշումներին: