Զաքիր Հասանովի հարցազրույցն էի կարդում РИА Новости գործակալությանը: Հետաքրքիր էր: Ասում է՝ «Շուրջներդ նայեք. միջազգային օրենքներն այլևս չեն գործում, բոլորը հենվում են ուժի վրա: Բնականաբար, մենք պետք է դրան արձագանքենք»: 
Համաձայնվեք՝ խոսուն նախադասություն է: Մերձավոր Արևելքում և Ուկրաինայում տեղի ունեցող զարգացումները, ԵԱՀԿ Մինսկի խմբում համանախագահող երկրների թույլ արձագանքը ադրբեջանա-արցախյան սահմանում տեղի ունեցող իրադարձություններին համընդհանուր անկայունության ու ամենաթողտվության պատրանք են ստեղծել Ադրբեջանում: Մտածում են, որ երբ ուզեն և ոնց ուզեն: Լավ են անում՝ թող մտածեն: Մենք էլ ենք թույլ տվել, որ այդպես մտածեն: Ու սխալ ենք արել: Բայց դա անուղղելի սխալ չի: Կարծում եմ՝ Հասանովի այս հարցազրույցը վատ ազդակ չէր, որպեսզի հայկական կողմն էլ ավելի խստացնի իր քաղաքականությունը արցախյան հարցում: Դրանց լեզուն կարճացնել է պետք, թե չէ մի օր կհավատան իրենց ստերին:


Հրանտ Մելիք Շահնազարյան