Տատիկս պատմում է, որ իրենց բակ "ջուրը բերել էր" գորգեր, յուղով լի տարա, նաև փող՝ մոտ տաս ռուբլի։ Ջրի հոսանքը հանել էր տրամվայի ռելսերը, որոնք հայտնվել էին շենքերի նկուղներում։ Բավական մեծ վնասներ էին կրել կենդանաբանական այգին, Բժշկական համալսարանը (գրադարանի 67 հազար միավորից փրկվել էր միայն 13 հազարը) և Անատոմիկի շենքի նկուղները․ ջուրը տարել էր կենդանիներին և մահացածների մարմինները։ Քաղաքի բակերը և փողոցները ծածկված էին տիղմով, մեծ ու փոքր քարերով, որոնց տրամագիծը հասնում էր գրեթե 1,5 մետրի։

Այդ ջրհեղեղի հետևանքները վերացնում էին մոտ երկու տարի։ Գետառի պատճառով ջրհեղեղներ եղել են 1860, 1866, 1873, 1912, 1923, 1924թթ․։ Այժմ Գետառը փակված է, բայց ինչպես ցույց տվեց երեկվա և մինչև այդ տեղացած ուժեղ անձրևները, ցավոք, նման ջրհեղեղի վտանգը դեռևս առկա է․․․

Հենրիխ Մարգարյան