Օսմանյան կայսրության հետնորդ Թուրքիայի հարավկովկասյան սատելիտ Ադրբեջան անվամբ պետությունը, փորձելով Անկարային ապացուցել, որ իրենք ավելի «թուրք» են, քան նույն թուրքերը, այսինքն, ինչպես ասում են, «Հռոմի պապից ավելի կաթոլիկ են ուզում երևալ», այս օրերին լծվել են էլ ավելի մեծ հակահայկական քարոզի և Բաքվում կազմակերպել են գիտական կոնֆերանս՝ նվիրված Հայոց ցեղասպանության «շինծու» լինելուն։ Հատուկ ուշադրություն եմ դարձնում այն փաստին, որ այն նույն ազերիների կողմից այդ կոնֆերանսը չի կոչվել միջազգային։ Ազերիները միշտ սիրում են «միջազգայնացնել» իրենց քայլերը։
Այստեղից հետևություն՝ Բաքվին չի հաջողվել նավթախավիարային դիվանագիտության շնորհիվ ինչ-որ «հանրաճանաչ պատմաբան» կոչված մեկին հրավիրել Բաքու, ով կժխտեր Հայոց ցեղասպանության իրողությունը։ Ազերիական ԶԼՄ-ների՝ այդ կոնֆերանսից հրապարակած լուսանկարներից կարելի է ենթադրել, որ այդ «գիտական» կոչված կոնֆերանսին (թուրքը և գիտությունն անհամատեղելի են) ներկա էին հիմնականում մեր արևելյան և արևմտյան եմիշագլուխ հարևան-«գիտնակաները», իր ազերի սիրեկանով հպարտացող Աուրելիա Գրիգորիուն՝ Մոլդովայի նախկին օմբուդսմենը, և այլ միջակություններ։
Ազերիների կազմակերպած սույն միջոցառման զավեշտն այն է, որ Բաքվում ոչ թե հերքում են հայերի ցեղասպանությունն, այլ դրան հակադրում Ալիևների կողմից հնարված «Խոջալուի ցեղասպանություն» կոչվածը և հայերի կողմից թուրքերին ցեղասպանության ենթարկելը նույն Թուրքիայում և Ուզբեկստանում։ Ի դեպ՝ Ուզբեկստանում հայերի կողմից թուրքերին ցեղասպանության ենթարկելու մասին բարբաջանքի հեղինակին, ով իր այդ «աշխատությունը» գրել է Բաքվի պատվերով, հետապնդում են նույն Ուզբեկստանի իշխանությունները՝ մեղադրելով նրան ֆաշիզմի և ազգայնականության մեջ։ Բայց Բաքվին դա չի հետաքրքրում։
Ծիծաղելի և զավեշտալի մի փաստ ևս. Հայոց ցեղասպանությունը փորձում են հերքել նրանք, այսինքն՝ ադրբեջանցիները, ովքեր այդ ժամանակ որպես ազգ գոյություն չեն էլ ունեցել։
Գագիկ Համբարյան
