Խոյեր
Խոյերը սիրահարվում են անձայն: Մեկ ակնթարթում նրա շուտ բռնկվող ու կրակոտ խառնվածքի հետքն անգամ կարող է չմնալ: Նա , ով գրավել է խոյի սիրտը, կարող է մասամբ սանձահարել ու զսպել նրա համառ ու վայրի բնությունը: Խոյը չի վազում իր սիրելի էակի ետևից, նա նախընտրում է նստել գետի ափին, հիանալ հակառակորդների <<լողացող դիակներով>>, իսկ հետո մոտենալ իր սիրելիին ու բռնազբոս կերպով ժպտալով՝ ուղիղ երեսին ասել. «Եկեք գնանք թփերի ետևն ու ամուսնանանք»:

Ցուլեր
Ցուլերը շատ կրքոտ են սիրահարվում: Ցուլերը գտնում են, որ նա ում սիրահարվում են, ամբողջովին պետք է իրենց պատկանի (իր բոլոր առավելություններով ու թերություններվ): Հակառակ դեպքում… չնայած ավելի լավ է չիմանաք: Սիրային հարաբերություններով նրա նախընտրած մեթոդն է . «Ես կարող եմ քեզ մտրակել, իսկ դու պետք է հնազանդորեն ինձ սիրես: Կսիրե՛ս, ասացի »: Տարօրինակ է, բայց նրանց սերը անպատասխան չի մնում: Փորձեք չսիրել նրան, բայց ցուլի վրեժը սարսափելի է: Եթե ցուլից հեռանում են, ապա միայն անձայն, ոտքի մատների ծայրերով, գիշերը, Աստված մի արասցե արթնանա նրա զայրույթը:

Երկվորյակներ
Երկվորյակները սիրում են ամբողջ հոգով: Հավերժ: Սակայն այդ «հավերժ»-ը ունի իր ժամկետը… ոչ, ոչ 3 տարի, ինչպես հայտնի վեպում է: Նրանց սերն ապրում է 2 տարի: Նրանք շատ սիրառատ են, այդ իսկ պատճառով միաժամանակ կարող են սիրել 2 հոգու: Սակայն այդ երկուսին էլ կարող են սրտանց սիրել: Երկվորյակների համար խորթ է առավոտյան հավերժ սիրո համար տառապելը, իսկ երեկոյան երակներ կտրելը: Չնայած դրան նրանք կարողանում են անկեղծ սիրել:

Խեցգետիններ
Խեցգետինները սիրահարվում են անվստահաբար: Նա իր սիրո առարկան ուսումնասիրում է , պտտվում շուրջը, միշտ կասկածների մեջ է ու խուսափում է մոտենալուց: «Իսկ եթե նա չէ՞ այն միակը», «Իսկ եթե մենք լինենք միասին ու ես նոր հասկանամ, որ նա չէ այն մեկն ով ինձ պետք է»: Այս ամենից ավելի շատ տառապում են նրանց համակրած էակները: Այդ էակներից մնում են նրանք , ովքեր ամենահետևողականն են ու կարողանում են դիմանալ խեցգետինների քմահաճույքներին: Հարաբերությունների հավատարմությունը կախված է նրանից, թե ինչքան կարող է դիամանլ խեցգետնի ընտրյալը: Բայց նրանք , ովքեր համբերատար կլինեն, կպարգևատրվեն. սիրահարված խեցգետինը կարող է ամբողջ աշխարհը նվիրել իր սիրելիին: Սակայն այդ ընթացքը նույնպես կարող է ձգձգվել նույն սխեմայով. «Իսկ եթե իմ նվիրած աշխարհը նրա համար ձանձրալի լինի՞», «Իսկ եթե նա քլոր է շնչում ու նրան թթվածնային երկրորդ աշխարհը բոլորովին էլ պետք չլինի՞ »: Եվ այսպես տարիներ, իսկ հետո տասնամյակներ շարունակ…

Առյուծներ
Առյուծները սիրահարվում են՝ համարելով դա լավություն ինչ-որ մեկին: Առյուծը չի հասկանում . թե ինչ բան է հավասարությունը հարաբերությունների մեջ. չէ, որ նա է թագավորը, իսկ դու՝ ընդամենը ձևական մի բան: Բայց, եթե հանկարծ դուք նրան կախարդական առաջարկություն անեք. «Միշտ դու եղիր գլխավոր դիրքում», նա անմիջապես ձեզ կընդունի ու շատ արտոնություններ կտա, ամուր կգրկի ու այլևս բաց չի թողնի:

Կույսեր
Կույսերը սիրահարվում են ասես վերջին անգամ: Նրանց մասին է ասված. տղան ընդամենը նրան ժպտաց, իսկ աղջիկն արդեն ամուսնության մասին է մտածում: Հրավիրելով քեզ իր աշխարհը՝ այս անկեղծ էակը պատրաստ է քեզ նվիրել իր ձեռքը, սիրտը, ձախ երիկամը, ընկերներին, կատվին, նախկին ամուսնության երեխաներին և նույնիսկ մորաքրոջը: Իսկ եթե ձեզ հետաքրքրի այն հարցը, թե մորաքույրն ինչի՞ համար է պետք, սիրահարված կույսը կպատասխանի, որ տնտեսության մեջ դեռ շատ այդպիսի բաներ են պետք գալու: Եթե սիրած էակն անհետ կորչում է, կույսը լաց է լինում, տառապում ու առնվազն 2 տարի սպասում, որ սիրելին մի օր ետ կվերադառնա: Իմիջայլոց, փոշմանելն ու նորից ետ վերադառնալը նրա մոտ, ճիշտ որոշում կլինի:

Կշեռքներ
Կշեռքները սիրահարվում են արվեստի նկատմամբ ունեցած սիրուց դրդված: Նրանք միշտ գնահատում են գեղեցիկը: Նրանց մոտ պետք է ամեն ինչ գեղեցիկ լինի: Սիրավեպը արվեստ է, հարաբերությունները՝ երկու սիրահարների համատեղ արվեստի գործ : Կշեռքները գեղեցիկ հոգ են տանում, գեղեցիկ զբաղվում սիրով ու վերջում էլ իրենց ետևից գեղեցիկ փակում դուռը: Նրանք կարծում են, որ աշխարհը սիրավեպ է: Նրանց մոտ ամեն ինչ գրքերի նման է: Հետո նրանք նորից գեղեցիկ կերպով ետ են վերադառնում ու նորից հեռանում, նորից են ետ գալիս… բայց արդեն ոչ գեղեցիկ կերպով: Մի խոսքով նրանք իրենց ընտրյալին ուղղակի անհավատալիորեն խենթացնում են: Բայց դա չարությունից չէ, որ անում են, ուղղակի մտածում են, որ այս կյանքը կարճ է, և պետք է փորձել ամեն ինչից օգտվել:

Կարիճներ
Իմիջայլոց կարիճներն էլ են սիրահարվում: Դա կարող է լինել ընդմիջման ժամանակ, երբ նա պետք է ընտրություն կատարի երիտասարդ ֆիզիկոսների ու մաթեմատիկոսների միջև: Նույնիսկ սիրո մեջ կարիճները իսկական տականքներ են, նրանք չեն հասկանում մարդասիրություն ասվածը: Նրանց մոտ ամեն ինչ հաշվարկած է . նա իր ընտրյալին վիրավորում է սրտից , և զոհն արդեն պատրաստ է ՝ խնդրելով. «Դե վերցրու ինձ»: Կարիճը հաճույքով վերցնում է, համբուորում ու շտապում երիտասարդ նատուրալիստների շրջապատ:

Աղեղնավորներ
Աղեղնավորները նախընտրում են ընդհանրապես չսիրահարվել: Քանի որ մտածում են, որ վերջում ամեն ինչ վատ է լինելու: Սակայն սիրառատ աղեղնավորների մոտ դա չի ստացվում: Աղեղնավորներն իրականում այնքան սիրառատ են, որ կենդանակերպի մյուս նշաններն ուղղակի նյարդային կերպով մի կողմ քաշված ծխում են: Եթե աղեղնավորը հասցրել է սիրահարվել, ապա նա պատրաստ է ենթարկվել ամեն ինչի. «Արդեն ամեն ինչ վա՞տ է: Թե՞ դեռ ամեն ինչ ընթանում է իր հունով: Թե՞ ամեն դեպքում դեռ ոչ, օ Աստված իմ…»: Ամուր ու երջանիկ հարաբերություններ ստեղծելու համար այս հոռետեսին խորհուրդ ենք տալիս անցյալի փորձերը չկիրառել ներկա հարաբերությունների ժամանակ:

Այծեղջյուրներ
Այծեղջյուրները սիրահարվում են ռացիոնալ կերպով: Նրանք չգիտեն, թե ինչ բան է կայծակը, խառնաշփոթը: Այս խելացի սմբակավորների մոտ ամեն ինչ հաշվարկված է: Նա շատ լավ գիտակցում է, որ տաք գլխով որոշումներ կայացնել պետք չէ և որոշում կայացնելուց առաջ պետք է ուսումնասիրել ընտրյալի բոլոր թերություններն ու առավելությունները: Նրանք բուսակեր են: Բայց դեռ սպասեք: Նրանք նաև արնախում են: Նրանք լուսանի նման նստում են ծառին ու երկար ժամանակ հետևում իրենց զոհին, ճակատագրական թռիչք կատարելու համար: Վերջում զոհը ընկնում է ու նրբորեն շշնջում. «Ես էլ եմ սիրում քեզ »:

Ջրհոսներ
Ջրհոսը ճիշտ է սիրահարվում: Մինչ կենդանակերպի մյուս նշանները մտածում են, որ բոլորն իրենց ինչ-որ բան են պարտավոր, ջրհոսները մտածում են, որ իրենք են պարտավոր հոգ տանելու իրենց սիրելիի մասին: Նրանք մի յուրահատուկ հատկություն ունեն. սիրում են հոգով տրվել ու չեն վիրավորվում: Ոչ մի արտասովոր բան էլ չկա, եթե սիրելին արդեն մեկ ժամ է, ինչ չի զանգում: Ջրհոսները երբեք չեն պահանջում անհնարինը. չէ, որ բոլորս էլ մարդ ենք: Եթե աշխատանքից ուշ ես գալիս տուն, ջրհոսը հետևյալ կերպ է արձագանքում դրան.«Վաղը նույնպե՞ս ուշ ես գալու: Վերցրու պանրով այս սենդվիչը քեզ հետ»: Եվ այդ սենդվիչն իրոք պանրով է, այլ ոչ թե մկնդեղով:

Ձկներ
Ձկները սիրահարվում են դասական ժանրով: Կիրքը փոխարինում է քնքշությանը, արցունքները՝ ժպիտին, ծաղիկներին, իսկ հետո՝ պատռած վերնաշապիկ, կոտրված ափսեներ, մի խոսքով այնպես, ինչպես մեքսիակական սերիալներում է: Ձկները հաճախ անձին չեն սիրահարվում, այլ ամբողջությամբ տրվում են հարաբերություններին: Ավելի ուժեղ զգացմունքների համար նրանք նախընտրում են, որ իրենց սիրելի էակը լինի դժվար հասանելի, օրինակ, ապրի ուրիշ քաղաքում, ուրիշ երկրում, իսկ լավագույն դեպքում լինի հետազոտող Մարսի վրա և միանգամայն ժամանակ չունեննա իր համար: Ձկները սիրում են դրամաներ: Ունեն մազոխիզմի նկատմամաբ հակում, նրանք սիրում են տառապել ու հաղթահարել խոչընդոտները, այլապես ապրելն էլ ոչ մի իմաստ չի ունենա նրանց համար: