Խոյ

Կենցաղում Խոյերը կարծես փոթորիկ լինեն։ Եթե իրենք որոշել են հիմնովի մաքրել տունը, ապա պատրաստ եղեք, որ բացի հատակը լվանալուց և փոշին սրբելուց, նրանք նաև կփոխեն պաստառները և կտեղափոխեն ամբողջ կահույքը։ Եթե Խոյերը որոշել են պատրաստել ամեն բան միանգամից և մեծ քանակությամբ, ապա ավելի լավ է խոհանոց չմտնեք։ Մի քանի ժամերի ընթացքում խոհանոցից կլսվեն տարօրինակ ձայներ, որոնք հետզհետե կփոխարինվեն հաղթանակի ճիչերով։ Ի դեպ, սպասքը կարող են և չլվանալ՝ եռանդը կսպառվի։

Ցուլ

Այս մարդիկ բավականին տնարար են։ Նրանք մանրակրկիտ կխշխշացնեն ամբողջ բնակարանի տարածքով մեկ՝ գլխում պահելով աղբի, թափթփված իրերի վրա հարձակման պլանը։ Բնակարանը փայլեցնելու Ցուլի մարտավարական ուղին ոչ ոք չի կարող խախտել․ այս նշանի ներքո ծնված մարդը սառցահատի նման խրվելու է տան խորքը՝ ապահովելով մաքրությունն ու հարմարավետությունը։

Երկվորյակներ

Այս մարդիկ չարաճճիություններ են սիրում։ Նրանք կհրավիրեն Ձեզ իրենց տուն և կներգրավվեն իրենց կենցաղ։ Եվ Դուք էլ չեք նկատի, թե ինչպես կսկսեք սրբել փոշին, իսկ Ձեր հետևից ուրախ կցատկոտի Երկվորյակը։ Խանութում էլ Երկվորյակները կարող են սայլավազք կազմակերպել, կամ բնատուր չարաճճիության համաձայն տեղափոխել ապրանքները մեկ ցուցանակից մյուսը։

Խեցգետին

Խեցգետինները հարմարավետություն և ապահովություն են սիրում։ Իրենց և իրենց սիրելիների անվտանգությունից ելնելով կարող են վնասազերծել տան բոլոր սուր անկյունները՝ ծածկելով կամ փաթաթելով որևիցե փափուկ բանով։ Ունակ են վերածել գողտրիկ և հաճելի մի բնակավայրի նույնիսկ ամենամռայլ բնակարանը։

Առյուծ

Առյուծները պաթոսի արքաներն են և գեղեցկության սիրահարներ։ Իրենց տունը կարող է թանգարանի կամ հնաոճ իրերի խանութի նման լինել։ Նրանք հաճույքով կհրավիրեն Ձեզ իրենց տուն՝ հաճոյախոսություններ և հիացմունք լսելու համար։ Ցավոք, տան մաքրությունը իրենց համար չէ։ Այս մարդիկ կարծում են, որ մաքրությունով պետք է զբաղվեն ուրիշները, իսկ իրենք ծնված են գեղեցիկը վայելելու համար։ Սակայն նրանք կարող են մի ուտեստ պատրաստել, որը նման կլինի թանգարանային ցուցանմուշի։ Համն, ի դեպ, նույնպես գերազանց կլինի։

Կույս

Կույսերը մաքրասեր են և պերֆեկցիոնիստներ։ Իրենց տունը միշտ իդեալական մաքուր է, հագուստը պահարանում դասավորված է ըստ գույների, իսկ գրքերը՝ ըստ միլիմետրերի։ Որոշ Կույսերը ունեն մի պահարան, որտեղ պահվում են բազմաթիվ մաքրող միջոցներ՝ համարակալված և ստորագրված։ Այս մարդիկ խստորեն հետևում են բաղադրատոմսերին, և դրա համար էլ պատրաստման պրոցեսը շատ ժամանակ է խլում իրենցից։ Նրանք ժամեր շարունակ կարող են փայլեցնել ապակե սեղանը՝ սուզվելով երազանքների գիրքը, իսկ իրենց տան մաքրության պրոցեսը նման է մեդիտացիայի։

Կշեռք

Կշեռքները տանը շատ ժամանակ չեն անցկացնում և տան մաքրությամբ, հետևաբար, չեն ծանրաբեռնում իրենց։ Սակայն գնահատում են տան հարմարավետությունն ու մաքրությունը, և իրենց տանը տիրում է ջերմ մթնոլորտ, իսկ ժանյակներով անձեռոցիկները քողարկում են ոչ իդեալական մաքրությունը։ Խոհանոցում ժամանակ անցկացնելու փոխարեն, այս մարդիկ գերադասում են սրճարաններն ու ռեստորանները։

Կարիճ

Կարիճները տարբերվում են հրամայական ունակություններով․ նախընտրում են ղեկավարել և ոչ մի դեպքում ինքնուրույն չզբաղվել մաքրությամբ։ Բայց հետո գովաբանում են իրենց հրաշալի կազմակերպչական աշխատանք կատարելու համար։ Սիրում են համեղ ուտել և շատ քմահաճ են մթերք ընտրելիս։ Կարիճի հետ խանութում հայտնվելը վերածվում է ռազմավարական հետախուզությանը։ Այս հրամանատարները կուղորդեն Ձեզ սննդամթերքի թշնամական ցուցանակների մոտ՝ իրենց կարծիքով լավագույն ապրանքների վրա հարձակվելու նպատակով։

Աղեղնավոր

Աղեղնավորները միշը դրական են տրամադրված և իրենց չի անհագստացնում տան մաքրությունը։ Կրեատիվ խառնաշփոթը՝ այն մթնոլորտն է, որտեղ այս մարդիկ իրենց հարմարավետ և անկաշկանդ են զգում։ Չարժե նրանց կոչ անել մաքրելու տունը՝ կվիրավորվեն և որևիցե կախարդական ըմպելիք կպատրաստեն տարատեսակ բույսերից, որոնք հավաքել են ողջ ամռան ընթացքում։ Զվարճալի է․․․

Այծեղջյուր

Այծեղջյուրները սիրում են գեղեցիկ, նույնիսկ շքեղ մթնոլորտը, սակայն մաքրությանը հետևելն իրենց համար չէ․ նրանք պարզապես դրա ժամանակը չունեն։ Կարիերայի առաջընթացը այս մարդիկ ամենից վեր են դասում։ Այնպես որ՝ տան մաքրությամբ և պատրաստությամբ կզբաղվի ընտանիքի մեկ այլ անդամը, կամ հատուկ վարձած մաքրության «էքսպերտները»։ Գերադասում են թանկարժեք ռեստորանները՝ խոհանոցում գտնվելու փոխարեն։

Ջրհոս

Երազկոտ ջրհոսները «սառում են» շորը ձեռքին և սավառնում են երկնքում։ Այս նշանի ներկայացուցիչներին կենցաղ ներգրավել պրատիկորեն անհնար է։ Ցանկացած հնարավորության դեպքում կփախչեն, կգտնեն որևիցե անկյուն և կնստեն՝ գիրքը ձեռքին, կամ հենց այդ շորը ձեռքին կվազեն ռոմանտիկ մայրամուտը վայելելու։

Ձկներ

Այս մարդկանց տնարարությունըզարգացած է այնքան, որ պատրաստ են տալ վերջին փողը, որպեսզի սառնարանը մթերքով լցնեն, իսկ տանը պետք է գեղեցիկ, հարմարավետ և հաճելի մթնոլորտ տիրի։ Սիրում են պատրաստել, հետևում են իրենց առողջությանը և սիրում են հյուրասիրել համեղ, տաքացնող և դիմադրողականությունն ու տրամադրությունը բարձրացնող ըմպելիքներով։

Նշենք, որ ամեն մարդ յուրահատուկ է։ Աստղագուշակները նախատեսված են օգնելու և զգուշացնելու բոլոր հնարավոր անակնկալնեի մասին, զարգացնել տաղանդները, բարձրացնել տրամադրությունը և լիցքավորել դրականով։