Չեմ կիսում էն կարծիքը, թե ԱՄՆ նախագահի ընտրությունը մեզ պտի չհետաքրքրի։ ԱՄՆ Հայաստանի համար պատահական երկիր չէ։ Անցած 25 տարիների ընթացքում ԱՄՆ մոտ 2մլրդ դոլար է անվերադարձ հատկացրել Հայաստանին եւ մինչեւ այսօր էլ շարունակում է ֆինանսական աջակցություն ցուցաբերել մեր երկրին։

ԱՄՆ կառավարության օժանդակությամբ բազմաթիվ ծրագրեր են իրականացվում Հայաստանի տարբեր ոլորտներում՝ գյուղատնտեսությունից մինչեւ ենթակառուցվածքներ։ Ռազմական առումով եւս ԱՄՆ թե ուղղակի եւ թե ՆԱՏՕ-ի շրջանակներում աջակցում է Հայաստանի զինված ուժերին։ ԱՄՆ միակ երկիրն է, որը ամեն տարի ֆինանսական օգնություն է տրամադրում Արցախին։

Բացի այդ, ԱՄՆ կարեւոր ֆիգուր է Արցախի հակամարտության գործում եւ ինչ որ առումով զսպող օղակ Ռուսաստանի հակահայկական քաղաքականության համար։ Էսքանից հետո կարծում եմ նորմալ է, որ մարդիկ հետեւում են ու կարծիքներ են հայտնում ԱՄՆ նախագահի ընտրական գործընթացի վերաբերյալ։

Մկրտիչ Իսրայելյան