Սինգապուրում մեկնարկել են ավտոպիլոտով (ինքնաղեկասարքով)՝ աշխարհում առաջին տաքսու թեստային ուղեւորությունները: Առայժմ երթեւեկությունը սահմանափակված Է գիտահետազոտական ավաններից մեկի սահմաններում, որտեղ ավելի վաղ գործարկվել Էր Մեծ Բրիտանիայի Delphi ընկերության nuTonomy սթարթափը:
Որպես առաջին վեց ավտոմոբիլներ ընտրվել են Renault Zoe-ն եւ Mitsubishi i-MiEV-ն: Ընկերության ներկայացուցիչների խոսքով՝ տարեվերջին ավտոհավաքակազմի թիվը կրկնակի կաճի: Այժմ թեստային ռեժիմով ուղեւորություններն անվճար են, բայց մասնակցել կարող են սոսկ ընկերության կողմից հրավիրված սպասարկյալները, որոնց թիվը մի քանի ամիս անց կհասնի մի քանի հազարի:
Բացի դրանից, ուղեւորներին ուղեկցում Է հրահանգիչը, որը նստած Է վարորդի տեղում: Շարժման առավելագույն արագությունը սահմանված Է 30 կիլոմետր/ժամ, թեեւ ավտոմեքենաները կարող են զարգացնել նաեւ մինչեւ 50 կիլոմետր/ժամ արագություն: Տաքսու պատվերը, երթուղին եւ վճարումը կկատարվի հատուկ շարժական հավելվածների միջոցով, հաղորդել Է ՏԱՍՍ-ը:
