Օրերս 2016թ. սոցիալ-տնտեսական զարգացմանը նվիրված կառավարության նիստի ընթացքում Ադրբեջանի նախագահ Իլհամ Ալիևն, անդրադառնալով տնտեսական ոլորտում արձանագրված «ձեռքբերումներին», նշել է, որ Ադրբեջանը հաջողությամբ ապահովել է տնտեսական զարգացումն, առկա հասարակական-քաղաքական իրավիճակը կայուն է, իսկ երկրի առջև ծառացած խնդիրներն արդյունավետ կերպով լուծվում են: Բացի այդ, ԱՀ նախագահը նաև հավելել է, որ վերջին 6 ամսվա ընթացքում 78 հազ. մշտական աշխատատեղեր են բացվել:
Ի. Ալիևի վերոնշյալ հայտարարությունը ծաղրանքի և սուր քննադատության թեմա է դարձել «ադրբեջանական փողոցում»: Մասնավորապես, հնչել են այսօրինակ զավեշտալի կարծիքներ՝ «Շատ էի հեքիաթներ լսել, բայց այս գլխավոր հեղինակի հեքիաթներն ավելի հետաքրքիր են, եվրոպական ստանդարտներին համապատասխան», «Սա Իլհամ Ալիևը չէ, Իլհամ հեքիաթասացն է», «Ես էլ եմ ուզում Ադրբեջան գնալ… մենք ո՞ր երկրում ենք ապրում», «Այսպիսի լուրեր լսելիս՝ սկսում եմ զզվել Գերմանիայից, ցանկանում եմ Ադրբեջան վերադառնալ», «Այս դժբախտն Ադրբեջանից ընդհանրապես տեղյակ չէ…», «78 հազ. մշտական աշխատատեղ կա, 9 մլն գործազուրկ, որտե՞ղ են այդ աշխատավայրերը, ժողովուրդը գնա աշխատի»...
Արմեն Պետրոսյան
