Ես կարծում էի, որ ՀԷՑ-ն ա անգերազանցելի բարձրունքներում անպատասխանատու աշխատանքով, բայց դե հերիք չէ ՀԷՑ-ը ոնց որ թե խելքի ա գալիս ու էս երկու ամիս ա հովհարայիններ չի արել, դեռ մի բան էլ Ջրմուղն ա շատ լուրջ մարտահրավեր նետել ՀԷՑ-ին։

Ուզում եմ հասկանալ, թե կոյուղու խոշոր տրամաչափի խողովակը քանի՞ անգամ պետք է պատանեկության և վաղ երիտասարդության տարիներին ընկած լինի այն լուսավոր գլխին, որը քցել-բռնել ա ու նորմալ ա համարել, որ հունիս ամսով մի ամբողջ համայնքի ջրերը անջատելը․․․ 2 օրով։

Մի կողմ դնենք այն հարցը, որ մի ամսվա ջրի վարձի չափ արդեն տվել եմ շշալցված ջրի համար, բայց էս ինչ բեզալաբեռնի աշխատելու ձև ա։ Ասենք հասկացանք նորոգման աշխատանքներ, հասկացանք վթար ու պրոֆիլակտիկա, արա՛, բայց 2 օ՞ր։ Հո դուք ավանակ չե՞ք։ 3 սմենով թող աշխատեն, ինչքան բրիգադ ունեք, բերեք էդ աշխատանքների վրա դրեք, բայց ոնց կարելի ամառվա էս շոգին մոտ 70 հազար բնակչություն ունեցող համայնքին 2 օրով առանց ջուր թողնել։ Կարո՞ղ ա գիտեք՝ լաբորատոր մկներ ենք, դուք էլ՝ իխտիանդրներդ, ջրերի աստվածն եք։

Կոնստանտին Տեր-Նակալյան