10 անհետաձգելի քայլեր որոնք պետք է անի մեր կառավարությունը
Ներկայացնում եմ Հայաստանում հրատապ տնտեսական քայլերի իրականացման իմ պատկերացումները: Նպատակ ունեմ ինչ որ կերպ օգնել ՀՀ կառավարությանը, նայեք բովանդակությանը, այլ ոչ թե ով կամ ինչպես է գրված:

1. Զոհված զինծառայողների ընտանիքի անդամներից մեկին (Կին, քույր, զավակ) հրամանագրի պետական համակարգում գոնե 120-150հզ դրամ մաքուր աշխատավարձ ենթադրող հաստիքի: Սա նրանց սոցիալական խնդիրի լուծման ամենաարագ ու երկարաժամկետ քայլը կլինի, հետո կարող է սա ամրագրվել օրենքով: Թշնամու դիմաց կանգնած ղեքը պետք է վստահ լինեն,որ ինչ էլ լինի իրենց ընտանքները կապահովվեն: Չասեք տեղ չկա՝ հայեցողական պաշտոնները շատ են, կամ 40-50հզ դրամ ամսավճարը բավարար համարողները թող այդքան գումարով փորձեն իրենց տունը պահել:

2. Հայաստանի ամենաղքատ շրջաններում՝ Ամասիա, Վարդենիս և այլ, ստեղծել ազատ տնտեսական գոտիներ, որտեղ կիրականացվի երկրորդային շուկայից ձեռք բերված ավտոպահեստամասերի և անվադողերի վաճառք: Կարճ ասած՝ մերոնք հազարաներով այլևս չեն գնա Վրաստանից գնումներ անելու և տվյալ շրջաններում սկսվում է տնտեսական աշխուժություն, մարդիկ սկսում են նորմալ ապրել ու չարտագաղթել: Կզարգանա փոքր բիզնեսը՝ բիստրոներ, ռեստորաններ, խանութներ, հյուրատներ

3. Հանդես գալ օրենսդրական նախաձեռնությամբ, որով կստեղծվի մեկ հիմնադրամ, այն իր մեջ կմիավորի ՀՀ պաշտպանության ամրապնդման համար ստեղծված բոլոր հիմնադրամները, օրինակ՝ Մարտիկը: Կսահմանվի այսպես կոչված պաշտպանական հարկ, որտեղ մարդիկ կամավոր սկզբունքով կկարողանան փոխանցել իրենց աշխատավարձերից որոշակի տոկոսներ: Փոխանցում անելու մեխանիզմը պետք է լինի հնարավորինս հեշտ՝ նույնիսկ փողոցներում տեղադրված տերմինալներով: Այս հիմնադրամը պետք է ղեկավարի հասարակության կողմից սիրված մարդ, օրինակ՝ Արթուր Մեսչյանը կամ Հենրիխ Մխիթարյանը, Վազգեն Սարգսյանի եղբայրը, Կարեն Դեմիրյանի կինը:

4. Պետք է ստեղծել համահայկական ցանց, օրինակ՝ հայ բժիշկների բոլոր տվյալները, գտնվելու վայրերը ու կոնտակտային տվյալները պետք է կամաց-կամաց հավաքի ու շատ գաղտնի պահի Բժշկական համալսարանը, հայ զինվորականների տվյալները՝ Վազգեն Սարգսյանի անվան ինստիտուտը, հայ ծրագրավորողներինը՝ պետական մասնակցությամբ ստեղծված IT ընկերություններից մեկը և այսպես շարունակ: Տվյալների բազան չպետք է կենտրոնացված լինի մեկ տեղում, սա շատ կարևոր է: Աշխարհում հիմա հաղթում են ուժեղ ցանցեր ունեցողները: Մենք պետք է իմանանք, թե աշխարհի որ քաղաքում քանի հայ է ապրում և ինչով է նա զբաղված: Թերևս սրա առավելությունների մասին մանրամասն խոսելու կարիք չկա:

5. Օրվա հրամայական է նաև Համահայկական հեռուստատեղության հիմնադրումը, այն սկզբնական փուլում կարող է լինել ինտերնետ հեռարձակմամբ, ապա մտնել արբայնակային ցանց: Համահայկական հեռուստատեսությունը պետք է լուրեր տա հայկական գաղթօջախներից սկսած ԱՄՆ ի արևմտյան ափից, վերջացրած Սինգապուրով, Մոսկվայով ու Եգիպտոսով: Ցանկալի է, որ այն աշխատի հիմնականում անգլերեն լեզվով: Մենք պետք է ունենանք հայկական BBC, կամ CNN սա շատ հավանական է

6. Տնտեսական զարգացման նախարարությունը պարտավոր է հնարավորինս արագ ուսումնասիրել ու կազմել Հայաստան ներկրվող ապրանքների ցանկը, դրանից հետո բիզնես ծրագրեր առաջարկի ներդրողներին, ովքեր պատրաստ կլինեն ներմուծվող ապրանքն արտադրել ՀՀ ում: Մյուս տարբերակն էլ այն է, որ հարկային արտոնություններ տրվեն այն մարդկանց, ովքեր կսկսեն արտադրել նշյալ ապրանքները: Թերևս այստեղ ևս պետք չի բացատրել, թե ինչ օգուտ է երբ ապրանքը արտադրվում է երկրում ու չի ներմուծվում: Տղեք ընդունեք, որ գոնե հավ, ձու, զուգարանի թուղթ, օղի, գինի, քաղցավենիք և շատ ու շատ ապրանքներ կարելի է արտադրել ՀՀ ում ու բավարարել ներքին պահանջարկը: Առաջարկում եմ Արծվիկ Մինասյանին շաբաթը մեկ անգամ անձնական մոնիտորինգ իրականացնի սուպերմարկետներում:

7. Գործուն քայլեր ձեռնարկել ամուսնություների խրախուսման համար: Որպես ամուսնությունների թվի անկման կամ դժվար աճի պատճառներից մեկը հանդիսոցող բնակարանների խնդիրը կարելի է լուծել: Պետությունը կառուցում է բնակարն ու 10 տարի մարման պայմանով տալիս է իր երիտասարդներին: Բանկերին արանքից հանել է պետք, նրանք ուղղակի թալանում են երիտասարդ ընտանիքներին: Կարևորը սկսելն է, գոնե երկու երեք բազմաբնակարան կարելի է կառուցել այսպես կոչված չեղած տեղից:

8. Եթե ուսումնասիրեք հասարակական կածիքը, ապա կտեսնեք, որ դժգոհությունների հիմնական պատճառներից մեկն այն է, որ ՀՀ քաղաքացին չգիտի, թե ուր է գնում իր երկիրը ու ծնողական բնազդով փորձում է հեռու պահել իր երեխային անհայտությունից: Պետք է պատկերավոր ու հասկանալի ձևով բացատրել քաղաքացուն, թե ինչպիսի Հայաստան ենք տեսնում 10 տարի, 20 տարի հետո: Սա շատ կարևոր է, հակառակ պարագայում մենք նմանվում ենք գիշերը փոքր լապտերով անտառ դուրս եկած մարդու, ով չի տեսնում գրեթե ոչինչ:

9. Հասարակությանը տեսանելի եղանակով դադարեցնել ներկայացուցչական, գործուղումների ու պարգևավճարների համար նախատեսված գումարները՝ դրանք ուղղելով աղքատ շրջանների զարգացմանը: Տղեք ջան որպեսզի ավելի պատկերավոր ասեմ՝ մի քանի ծառայողական մեքենաի ու մի քանի պաշտոնյաների գործուղումների գումարներով կարելի կլինի դատակրվող Բերդում փոքր արտադրամասեր բացել: Եթե կասկածում եք՝ գնացեք Այրումի գործարանը նայեք, կարող եմ կոնտակտներ ևս տալ՝ BSC ընկերությանը դիմեք:

10. Տղեք ինչ եղել է եղել է, ով ինչ արել է արել է… հիմա Հայրենիքն է վտանգի մեջ, դիրքերում տղեքի վրա չեն կրակի, եթե տեսնեն ուժեղ Հայաստան, արեք այս երկրի համար այն, ինչ արել եք ձեր ընտանիքների համար: Բանաձևը պարզ է:

Զոհրապ Եգանյան