ԲՀԿ խմբակցության պատգամավորները հանդիպել են Վենետիկի հանձնաժողովի և ԵԱՀԿ/ԺՀՄԻԳ-ի ներկայացուցիչների հետ՝ քննարկելու ՀՀ Ընտրական օրենսգրքում առաջարկվող փոփոխությունները։

«Քննարկման ընթացքում ԲՀԿ նախագահն ու խմբակցության պատգամավորները ներկայացրել են կուսակցության պատրաստած առաջարկների փաթեթը, որոնց ընդունումը էականորեն կնվազեցնի ընտրական օրինախախտումները։

ԲՀԿ պատգամավորները խոսել են լրագրողների և դիտորդների թվի սահմանափակման անթույլատրելիության, ազգային փոքրամասնությունների մասնակցության առավել աշխատող դրույթների մշակման անհրաժեշտության, Հայաստանից բացակայող քաղաքացիների հաշվառման արդյունավետ մեթոդների, ինչպես նաև՝ քվեարկած ընտրացուցակներին ծանոթանալու մեխանիզմների մասին։

ԲՀԿ նախագահը նշել է, որ ԸՕ-ի մշակման ԲՀԿ աշխատանքային խումբը պատրաստել է մոտ 30 սկզբունքային առաջարկներ, որոնք ԲՀԿ խմբակցությունը կներկայացնի խորհրդարանական լսումների և ԱԺ-ում նախագծի քննարկման ժամանակ»։

Վանիկ Էլիզբարյան