Մարդիկ կան, որ McDonald's-ի Հայաստան չգալու լուրով էնպես են ոգեւորվել, որ գիտեցողն էլ գիտի, թե Հայաստանում առավոտից երեկո էկոսնունդ են օգտագործում ու McDonald's-ն էլ պտի գար հարամ աներ:

Հլը մի հատ համեմատեք էլի Երեւանի fast food-ի օբյեկտները McDonald's-ի հետ ու պատկերացրեք, որոնք են ավելի նման բակտերիոլոգիական զենքի՝ McDonald's-ի սնունդը, թե Երեւանի փողցներում, գետնանցումներում, կամ չգիտեմ ինչոցների ու ում մոտերի անհայտ ծագման մսով պատրաստված քաբաբները, շաուրամները, հոթ դոգերը լահմաջոները ու մնացածը: Էնպես չի, որ McDonald's-ի ֆան ակումբի անդամ եմ, բայց կարծում եմ, որ McDonald's-ը՝ հանրահայտ բրենդերի իսկական սով զգացող Հայաստանը կարող էր մի փոքր գունավորել:

Առանց այն էլ Հայաստանում մատների վրա կարելի է հաշվել հանրահայտ անունները, եղածներն էլ ամեն Աստծո օր սպասում են, թե ՏՄՊՊՀ ինչ օյին է բերելու գլխներին:

Մկրտիչ Իսրայելյան