Իրան-Հայասան երկաթուղու կառուցման հարցը ստրատեգիական նշանակություն ունի ողջ տարածաշրջանի համար: Պատահական չէ, որ Հայաստանի հարևան պետությունները նույնպես ներգրավված են կառուցման ծրագրերում:

 

Հատկանշական է, որ երկաթուղու շինարարության հարցում շահագրգռված է նաև Չինաստանը: 
Դրա ապացույցն այն է, որ նման ծրագրերում գործունեություն ծավալած չինական շատ կազմակերպություններ հետաքրքրություն են հայտնել մասնակցելու Իրան-Հայաստան երկաթուղու կառուցմանը:


Այս թեմային անդրադարձել է նաև Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը: Վերջինս իրատեսական է համարում Իրան-Հայաստան երկաթգծի կառուցումը. «Դուք տեղյակ եք, որ Հայաստանի վարչապետը չինացի իր գործընկերոջ հետ առաջիկայում քննարկելու է այդ հարցը: Այդ երկաթգծի կառուցումը ես իրատեսական եմ համարում, սակայն դրա կառուցման համար բավական երկար ժամանակ կպահանջվի»:

 

Կարելի է փաստել, որ չինական կողմը վերջին շրջանում ընդլայնել է Հայաստանում իրականացվող ներդրումային ծրագրերի «ցանկը»: Այս համատեքստում կարևոր է նշել, որ Չինաստանը որոշակի հետաքրքրություններ ունի նաև «Հյուսիս-Հարավ» ավտոճանապարհի կառուցման գործում, որն արտահայտվում է շինաշխատանքների համար հայտարարված մրցույթին չինական կազմակերպությունների դիմումներով:

 

ՀՀ վարչապետն առաջիկայում աշխատանքային այցով լինելու է Չինաստանում: Գործադիրի ղեկավարը չինական կողմի հետ բանակցելու է երկաթուղու շինարարության ֆինանսավորման հարցի շուրջ:

 

Արման Ղարիբյան