Ադրբեջանական Գաբալայում ֆուտբոլային հանդիպման ժամանակ այրել են վրացական դրոշը: Միջադեպը տեղի է ունեցել ՈՒԵՖԱ-ի Չեմպիոնների լիգայի երկրորդ փուլի հանդիպման ադրբեջանական «Գաբալա» և վրացական «Դինամո» թիմերի հանդիպման ժամանակ: 


Հանդիսատեսի շարքերում են եղել նաև Վրաստանում ադրբեջանական բնակավայրերից, հատկապես Մարնեուլիից, ինչպես նաև Ռուսթավիից և Բոլնիսիից: Խաղի ընթացքում պաստառներ են հայտնվել տարբեր գրառումներով: Պաստառներում հիմնականում Վրաստանի քաղաքների անունները գրված է եղել հենց ադրբեջաներեն անվանումով:

Օրինակ՝ «ոչ Մարնեուլի», այլ «Սարվան», «ոչ Բոլնիսի», այլ «Չորուք Ջեմերլի»: Այս ամենից հետո, երբ վրացական կողմից ինչ որ բողոքի ալիք է բարձրացվել, ադրբեջանական կողմը սկսել է այրել վրացական դրոշը: 


Իսկ հանդիպման ավարտից հետո ֆուտբոլասերները տարբեր իրեր են նետել Թբիլիսիի «Դինամո» ակումբի ավտոբուսի ուղղությամբ: Ակումբը դիմել է ՈՒԵՖԱ-ի համապատասխան մարմիններին:


Ուշագրավ է այն, որ հանդիպմանը հետևող մեծ թվով ոստիկանները ոչ մի կերպ չեն միջամտել իրավիճակին:
Հատկանշական է, որ նույն Բոլնիսիում ապրում են բազմաթիվ հայեր, անգամ այդ տարածաշրջանում ամբողջությամբ հայկական գյուղեր ունենք բնակեցված:


Աշոտ Ծոռմուտյան