Ինչ հիվանդություններ կարող է առաջացնել շրթներկը և ինչպես ընտրել անվնաս շրթներկ

22:36 - 11.Ապրիլ.2015

Կանանց ու աղջիկների ամենագլխավոր զենքերից մեկը՝ շրթներկն է: Կանայք հաճախ այն գործածում են օրը մի քանի անգամ առանց մտածելու դրանում պարունակող վնասակար նյութերի մասին, որոնք արդյունքում հայտնվում են մարսողական համակարգում: Գիտնականները հաշվարկել են, որ եթե կինը մեկ օրվա ընթացքում 2-3 անգամ թարմացնում է շրթներկը, ապա նրա ստամոքսում հայտնվում է մոտ 17 մլգ շրթներկ: Միջինում կանանց օրգանիզմում կյանքի ընթացքում հայտնվում է 18 կիլոգրամ շրթներկ:

Իսկ շրթներկի բաղադրության մեջ մտնում են բազմաթիվ վնասակար քիմիական նյութեր՝ ծանր մետաղներից մինչև ներկարարներ, որոնք բացասաբար են ազդում առողջության վրա:

ԻՆՉ ՎՆԱՍԱԿԱՐ ՆՅՈՒԹԵՐ Է ՊԱՐՈՒՆԱԿՈՒՄ ՇՐԹՆԵՐԿԸ ԵՎ ՈՐԸ ԻՆՉ ՀԻՎԱՆԴՈՒԹՅԱՆ ԿԱՐՈՂ Է ՀԱՆԳԵՑՆԵԼ

Կապար

Գրեթե բոլոր շրթներկերի բաղադրության մեջ կա կապար: Հենց կապարի գործածումն է շրթներկի այս կամ այն գույնին տալիս փայլ ու գույն: Սակայն կապարը պարունակում է մեծ քանակությամբ տոկսիններ: Հայտնվելով օրգանիզմում այն առաջացնում է թունավորում: Մասնավորապես էժան ու անորակ շրթներկերը ավելի շատ են պարունակում կապարի քանակություն, քանի որ նրա հատկությունը, այլ նյութերով փոխարինելը ավելի թանկ է:

Ինչ հիվանդությունների կարող է հանգեցնել

Կապարի մեծ քանակությունը, որը արդյունքում հայտնվում է ձեր օրգանիզմում, կարող է առաջացնել հորմոնալ խախտումներ, անպտղություն, երբեմն այն կարող է դառնալ ինֆարկտի պատճառ:

Գլիցերին

Գլիցերինը հատկապես մեծ քանակությամբ պարունակում են այսպես կոչված հարթեցնող շրթներկերը: Եթե շրթներկի բաղադրության մեջ գլիցերինը 50 տոկոսից ավելի է, ապա այն հանգեցնում է մաշկի գերչորացման: Շրթներկ գնելիս անպատճառ ստուգեք գլիցերինի քանակը, եթե այն 50 տոկոսից ավելի է, ապա մի գնեք այն:

Ինչ հիվանդությունների կարող է հանգեցնել

Գլիցերինի մեծ քանակությունը հագեցնում է մաշկի բորբոքման ու քայքայման և կարող է առաջացնել այնպիսի հիվանդություններ, ինչպիսին են՝ ալերգիան, դերմատիտը և հերպեսը: Դրա երկարատև օգտագործումը կարող է օնկոլոգիական հիվանդությունների պատճառ դառնալ:

Վազելին

Թվում է, որ այն վնասակար չէ և նույնիսկ երեխաների դեպքում այն օգտագործում են: Բանն այն է, որ վազելինը արտադրության մեջ հաճախ փոխարինում են էժանագին հումքով, որպեսզի չօգտագործեն ավելի թանկարժեք մեղրամոմը: Արտադրական վազելինը մաշկի վրա հաստ շերտ է ձևավորում, որը իր մեջ պարունակում է բազմաթիվ միկրոօրգանիզմներ:

Ինչ հիվանդությունների կարող է հանգեցնել

Արտադրական վազելինի մեծ քանակությունը հանգեցնում է մի շարք ինֆեկցիաների՝ մասնավորապես հերպեսի: Այն, հայտնվելով աղեստամոքսային տրակտում կարող է դառնալ օնկոլոգիական հիվանդությունների պատճառ:

Տրիկլոզան

Տրիկոզլանը շրթներկի ամենավտնագավոր կոնսերվանտներից է: Այն շրթներկի բաղադրության մեջ չպետք է գերազանցի 15 տոկոսը: Եթե բաղադրության մեջ տրիկլոզանի տոկոսայնությունը ավելի բարձր է, ապա մի գնեք այդ շրթներկը:

Ինչ հիվանդությունների կարող է հանգեցնել

Այն ազդում է կանացի ֆերտիլության՝ վերարտադրողական համակարգի վրա: Կարող է խախտել մենստրուալ ցիկլը և հանգեցնել անպտղության: