Տարօրինակ է, բայց կարծես մուսուլման թուրքերը շատ ավելի լուրջ են վերաբերվում Հռոմի Պապի մատուցելիք պատարագին, քան մեր լրատվական դաշտի մի շարք ներկայացուցիչներ։ Թուրքական մամուլի այս օրերի հիստերիան շատ բանի մասին է խոսում. նույն այդ մամուլից երևում է, որ երկու դեսպան և մեկ նախարար, կեղծիքների ու ստի տարածման մի հսկա լրատվական մեքենա իրանց կցած, արդեն ինչքան ժամանակ է մարտի են ելել Սուրբ Աթոռում ու ոչ մի բանի առաջ չեն կանգնում: Դիմացը, իհարկե, միայն ՀՀ այն դեսպանատունն է, որի բացման նպատակահարմարության վերաբերյալ շահարկումներով ոմանք ինքնահաստատվում էին ժամանակին:
Պատարագը լինելու է, ու էլի շատ բան է լինելու: Դրա մասին գիտեն թուրքերը, գիտեն ու բազմամիլիոնանոց իրենց լրատվական դաշտով հարձակման են անցել: Դե մերոնք էլ... մերոնցից ոմանք էլ խայծերը վերցնում ու կույր արտատպում են: Չնայած բացարձակապես չեմ հասկանում, թե ինչու են դա անելուց նաև հրճվում: Շշմել կարելի է:
Հրանտ Մելիք-Շահնազարյան
