Ես միշտ համոզված եմ եղել, որ Թուրքիան հայ-թուրքական արձանագրությունները չվավերացնելու միայն մեկ պատճառ է ունեցել. Անկարան համոզվել էր, որ հարաբերություններ հաստատելով Հայաստանի հետ, նա չի կարող այլ երկրների հետ հարաբերություններում ձերբազատվել հայկական հարցի գործոնից։ Այսինքն' Թուրքիան հասկացել է, որ արևմտյան և ոչ մի երկիր պատմական այս ժամանակահատվածում չի կարող հրաժարվել իր վրա ճնշում գործադրելու այդ կարևոր և ուժեղ գործիքից։ Այս իսկ պատճառով թուրքերը խաղարկեցին «ադրբեջանական քարտը» և հրաժարվեցին Ցյուրիխյան արձանագրություններից։

Հայկական դիվանագիտությունն իր հերթին ամեն ինչ արել է, որպեսզի Ցեղասպանության հարցը միշտ առկա լինի Թուրքիա-քաղաքակիրթ աշխարհ հարաբերություններում։ Իմ պատկերացմամբ' մենք դա դիտարկել ենք որպես Թուրքիայի' տարածաշրջանում հետագա հնարավոր էքսպանսիոնիստական քաղաքականությունը զսպելու կարևոր գործոն։

Այսօր ՀՀ առաջին նախագահ Լևոն Տեր-Պետրոսյանը փաստորեն առաջարկեց գրողի ծոցն ուղարկել քաղաքական այդ գործոնը։ Նրա կարծիքով, այդ դեպքում Թուրքիան կարող է Եվրոպայի մաս դառնալ, երևի թե' նաև քաղաքակրթվել։ Մարդը որոշել է փոխել թուրքին...

P.S.
Ինձ շատերն էին փորձում համոզել, թե ԼՏՊ-ն տաղանդավոր քաղաքական գործիչ է։ Բայց որ էս մակարդակի, դեռ ոչ ոք չէր ասել։

Հրանտ Մելիք-Շահնազարյան