Կյանքում հաջողակ լինելու համար պարտադիր չէ ծնվել և մեծանալ բարձրաստիճան պաշտոնյայի ընտանիքում: Կան որոշակի սկզբունքներ, որոնք կարող են օգնել մեզ հասնելու մեր նպատակներին ու երազանքներին: Ահա դրանցից մի քանիսը. 

1. Ձեր առաջ դրեք հստակ նպատակ:

Հաջողության հասնելու համար կարևոր է իմանալ, թե ինչ եք ուզում: Պետք է հստակեցնել երազանքն ու գնալ դրան ընդառաջ: Նպատակը պետք է լինի ձեր անձնականը, այլ ոչ թե թելադրված շրջապատի կողմից:

2. Օգտագործե'ք երևակայության զորությունը:

Աշխատանքում կամ աշխատանքից դուրս, ժամանակ առ ժամանակ պատկերացրեք, թե ինչպիսին կցանկանայիք տեսնել ինքներդ ձեզ: Ձեր երևակայության մեջ պատկերեք այն նոր մարդու կերպարը, ով ավելի հաջողակ է ձեզանից և արդեն կարողացել է հասնել իր առջև դրված գրեթե բոլոր նպատակներին:

3. Անընդհատ կրկնե'ք:

Հաջողության մասին շարունակական մտորումները կկենտրոնացնեն ձեր միտքը և կօգնեն ծրագրելու ձեր ենթագիտակցությունը հաղթանակի համար:

4. Ծրագրե'ք:

Հաջողությունն ուղեկցում է նրանց, ովքեր կարողանում են արդյունավետ տնօրինել իրենց ժամանակը: Օրվա անելիքների ծրագրումը դարձրեք սովորություն: Այդ կերպով կբարձրացնեք աշխատանքի արդյունավետությունն ու անիմաստ չեք վատնի ձեր թանկարժեք ժամանակը:

5. Աշխատե'ք:

Հաջողության հասնելու համար պետք է աշխատել: Հենց այնպես ոչինչ չի լինում: Անհրաժեշտ է ակտիվ, նպատակասլաց գործողություն դեպի ձեր երազանքը: Միևնույն ժամանակ չպետք է ճնշում գործադրեք ինքներդ ձեզ վրա: Գտեք ձեր ռիթմը և համատեղեք աշխատանքը հանգստի հետ:

6. Կատարե'ք առաջին քայլը:

Հաջողության հասնելու համար պետք է գործել: Այսօրվա գործը վաղվան մի թողեք:

7. Մի' մոռացեք ներշնչման մասին:

Պարբերաբար օգտագործեք ներշնչման տարբեր աղբյուրներ: Ցանկացած ինֆորմացիա, գրանցվելով ձեր ենթագիտակցության մեջ, կարող է դառնալ հաջողության հասնելու մի նոր գրավական: Հավատացեք դրան և ձեր կարողություններին:

8. Գնացե'ք մինչև վերջ:

Մի հանձնվեք: Թույլ մի տվեք անհաջողություններին ընկճել ձեզ, քանի որ դրանք միայն ժամանակավոր բնույթ են կրում, դրանց վերաբերվեք հանգիստ, դասեր քաղեք ստեղծված իրավիճակից և շարժվեք առաջ: Ցանկացած նոր ձեռնարկ հասցրեք իր նպատակին:

9. Ծառայե'ք ուրիշներին:

Եթե ցանկանում եք հաջողության հասնել, ապա ձեր նպատակը պետք է լինի մարդկանց օգնելը, այլ ոչ թե հարստություն կուտակելը: Մտածեք մարդկանց մասին, առաջարկեք նրանց օգտակար ծառայություններ, իսկ դրանց դիմաց ստացած դրամը ընդունեք որպես ձեր աշխատանքի գնահատական:

10. Փոխվե'ք:

Որպեսզի հաջողությունը ժպտա, անհրաժեշտ է անդադար աճել և զարգանալ: Անդադար զբաղվեք ինքնազարգացմամբ և հաջողությանը արժանի մարդ կդառնաք:

11. Շնորհակալ եղեք յուրաքանչյուր ձեռքբերման համար:

Ուրախացեք ձեր նույնիսկ ամենափոքրիկ, աննշան թվացող հաջողություններով և հավատացեք' դրանք կբազմապատկվեն: Սա ամենակարևոր դասերից մեկն է: Մշտապես օգտվեք դրանցից: Շնորհակալություն հայտնեք Բարձրյալին ձեր ձեռքբերումների համար: Եղեք հաջողակ' հետևաբար և երջանիկ: