Ասում են' ապրում ենք, բայց ես տարակուսում եմ: Ինձ թվում է' մենք իրականում մեռած ենք: Ինձ թվում է' մենք անցյալով ենք ապրում միայն: Չեմ կարծում, ոչ, չեմ կարծում, որ կարելի է մեր մասին ասել' որևէ ապագա ենք սպասում: Խոսում ենք ապագայի մասին, բայց հազիվ թե, ըստ իս, հույս ունենք հասնելու դրան: Մեր մեծ-մեծ խոսքերի խորքում ենթագիտակցորեն գալիս ենք այս եզրակացությանը:

 

 

Աչքի առաջ բերելով այն տակնուվրայությունը, որ արեցինք վերջին տասը տարիների ընթացքում, կարող ենք պատկերացնել այն ավելի մեծ տակնուվրայությունը, որ անելու ենք հաջորդ երեսուն տարիների ընթացքում: Մարդկային բնությունը կարող է վիճելով ապացուցել, թե իշու ետևի ոտքերից մեկը չկա, բայց միևնույն է, վեճն ավարտվելուց հետո էշը կմնա չորքոտանի:

 

 

Հովիկ Չարխչյան