Ազգությամբ ռուս կենսաբան Ալեքսանդր Սեմենովի ստորջրյա այս լուսանկարները տարածվել են ամբողջ աշխարհում: Նա լուսանկարել է մեդուզաների հազվադեպ հանդիպող տեսակներ, որոնց մի մասը մինչ այդ հայտնի չէր գիտնականներին:
Այսօր Ալեքսանդրն աշխատում է խմբի հետ, որն ուսումնասիրում է ծովի «բնակիչներին»: Նրա աշխատանքներով հետաքրքրվում են ոչ միայն հայրենիքում, այլև արտասահմանում: Ներկայիս նրա ուսումնասիրությունները կտևեն 3 տարի, և մենք հույս ունենք, որ այդ ժամանակահատվածում կենսաբանը նոր բացահայտումներ կանի և աշխարհին կնվիրի ծովային նոր արարածների լուսանկարներ:
