Այս 30 մետր երկարությամբ կամուրջը կաուցվել է հետիոտների համար՝ չինական Չունցին քաղաքում: Այն ունի 2 մետր լայնություն և գտնվում է գետնից 40 մետր բարձրության վրա: Մեր աչքի համար անսովոր այս շինությունը կառուցել է տեղացի բնակիչների հարմարավետության համար: Այս կամրջի շնորհիվ նրանք մի քանի անգամ կրճատում են քաղաքի մի վայրից մեկ այլ վայր հասնելու իրենց ճանապարհը:
Չունցին քաղաքը Չինաստանում հայտնի է որպես կամուրջների քաղաք, և նման շինություններն այստեղ բազմաթիվ են: Վերելակի օգնությամբ հասնելով բարձրահարկի 13-րդ հարկ՝ քաղաքի բնակիչներն անցնում են կամրջով և դուրս են գալիս ճանապարհային կամրջի վրա, որը տանում է քաղաքի կենտրոն:
Արտաքինից այն շատ ամուր տեսք ունի և մեծ ճանաչում է վայելում տեղի բնակիչների շրջանում:
