Դուք համապատասխանու՞մ եք իրար
Գոյություն ունեն մի քանի ցուցիչներ, որոնք կարող են օգնել ձեզ գտնելու այս հարցի պատասխանը:
Դուք նստած եք կողք կողքի կամ դեմ դիմաց և... լռում եք: Բայց ոչ թե այն պատճառով, որ ասելիք չկա, այլ որովհետև բառեր պետք չեն:
Ձեր զրույցները կարող են լիովին անկեղծ լինել, և դուք կարող եք նրան այնպիսի բան ասել, որն ուրիշ ոչ մեկին չեք կարող ասել: Միևնույն ժամանակ չեք կասկածում, որ նա լիովին ճիշտ կհասկանա:
Իրարից անջատ օրն անցկացնելիս՝ դուք մտապահում եք այն ամենը, ինչը նրան հետաքրքիր կլինի կամ կուզեք նրա հետ քննարկել:
Միայն այն մտքից, որ դուք պետք է միասին անցկացնեք ձեր ողջ կյանքը, դուք լցվում եք սիրով ու քնքշանքով:
Ցանկացած առիթով ձեզ միշտ իրար հետ են հրավիրում, և ձեզնից մեկին միայնակ հրավիրելու միտքը նույնիսկ անհեթեթ է թվում:
Նրան զանգահարելուց առաջ դուք երբեք չեք մտածում՝ իսկ գուցե այս պահին հարմա՞ր չէ, գործից չե՞մ կտրի: Ձեր զանգը միշտ տեղին է: Հաճախ էլ այնպես է ստացվում, որ երբ պատրաստվում եք զանգահարել, նա ինքն է զանգահարում:
Երբ նա ձեր կողքին չէ, դուք միշտ բջջային հեռախոսը ձեր կողքն եք պահում:
Դուք ուզում եք ձեր տունն ունենալ, որտեղ նրան ջերմությամբ կշրջապատեք, նա էլ, իր հերթին, առիթը չի կորցնում, որ ուրախություն պարգևի ձեզ:
Դուք երկուսդ էլ ձեր ընկերներին ու հարազատներին ասում եք. «Հիմա մենք երկուսով ենք, մենք միասին ենք, և դուք ստիպված եք դրա հետ հաշվի նստել»:
