Breanna Youn-ն ընդամենը 5 տարեկան է, բայց հասցրել է դառնալ համացանցի նոր աստղը: Աղջիկը Instagram-ում նույնքան հավանողներ ունի, որքան հոլիվուդյան աստղ Քեմերոն Դիասը: Սոցիալական կայքերի փորձագետները չեն կարողանում հասկանալ, թե ինչու է հատկապես Breanna Youn-ը նման ճանաչում ձեռք բերել: Փոքրիկի մայրիկի խոսքերով՝ աղջիկը ոչ մի յուրահատուկ տաղանդ չունի, իսկ նրա ճանաչումը Instagram-ում հանելուկ է ամբողջ ընտանիքի համար:
Մինչև աղջկա հայտնի դառնալը նրա ընտանիքն ապրում էր փոքրիկ բնակարանում՝ կորեական Պուսան քաղաքում: Աղջիկը շատ երկրպագուներ ունի Մերձավոր Արևելքից, և հարուստ շեյխերը նրան՝ ընտանիքի հետ միասին, հրավիրել են Արաբական Էմիրություններ: Նա հատկապես մեծ ճանաչում է ձեռք բերել Դուբայում և նույնիսկ հրավեր է ստացել վարելու սեփական շոուն՝ Դուբայում:
Համացանցում փոքրիկի ճանաչումն արմատապես փոխել է նրա և ընտանիքի բոլոր անդամների՝ 27-ամյա մայրիկի, 34-ամյա հայրիկի և 7-ամյա եղբոր կյանքը: Աղջկա ծնողները որոշել են ընդմիշտ տեղափոխվել Էմիրատներ: Նրանք Կորեայում թողել են իրենց մշտական աշխատանքը, ընդունել են իսլամ, սովորում են արաբերեն և ապրում են Դուբայում:
