Աֆրիկայից Ռուսաստան ժամանած ավելի քան 500 ուսանողից 220-ի մոտ Էբոլա տենդի արտաքին նշաններ են նկատվել: Նրանք այժմ գտնվում է գրեթե ամբողջական մեկուսացման մեջ: Մասնագետների խոսքով, ի տարբերություն կասկածելի նշաններ ունեցողների, մնացած ավելի քան 300 աֆրիկացի ուսանող դուրս կբերվի հսկողության ռեժիմից:
Նախօրեին ՄԱԿ-ի գլխավոր քարտուղարի' Էբոլայի հարցով հատուկ ներկայացուցիչ Էնթոնի Բանբերին մտավախություն հայտնեց, որ վիրուսը կարող է փոխանցվել օդակաթիլային ճանապարհով, եթե շարունակի նոր մարդկանց վարակել: Աֆրիկայում ճգնաժամի դեմ պայքարող կազմակերպություններն էլ նախազգուշացնում են , որ միջազգային հանրությունը 4 շաբաթ ունի Էբոլան կանգնեցնելու համար, այլապես հիվանդությունը ամբողջովին դուրս կգա վերահսկողությունից:
Էբոլա վիրուսի առաջացրած հիվանդության ախտանիշներն են ջերմությունը, կոկորդի ցավը, մկանային ցավը, գլխացավը, սրտխառնոցը, փսխումը և լուծը: Հնարավոր է նաև ներքին ու արտաքին արյունահոսություն: Այս հիվանդության դեմ արդյունավետ պատվաստանյութ դեռևս չի հայտնաբերվել:
