Ֆուտբոլի Եվրոպայի առաջատար ազգային առաջնություններում ավարտվեց հերթական տուրը:

Անգլիայի առաջնությունում շարունակում է վստահ հանդես գալ Լոնդոնի ՙՙՉելսին՚՚: Այս անգամ ՙՙազնվականները՚՚, լոնդոնյան դերբիում, հաղթանակ տարան ՙՙԱրսենալի՚՚ նկատմամբ ու 7 խաղից հետո՝ 19 միավորով, վստահ գլխավորում են մրցաշարային աղյուսակը:

ՙՙԱրսենալը՚՚, ինչես և մյուս գրանտ ակումբըՙՙԼիվերպուլը՚՚, ընդամենը 10 միավոր է վաստակել ու մրցաշարային աղյուսակի միջնամասում է:

Առաջնության ֆավորիտները մյուս տուրում՝ հոկտեմբերի 18-ին, հյուրընկալվելու են ՙՙԿրիստալ Փէլասին՚՚:

Մրցաշարային աղյուսակի երկրորդ տեղում՝ անցյալ տարվա չեմպիոն ՙՙՄանչեսթեր Սիթին՚՚ է՝ 14 միավորով:

ՙՄանչեսթրցիներն երեկ արտագնա խաղում 2:0 հաշվով հաղթել են ՙՙԱսթոն Վիլլային՚՚, ընդ որում՝ գնդակները խփելով վերջին տաս րոպեներին:

ՙՙՍիթիի՚՚ ֆուտբոլիստները հաջորդ տուրում հյուրընկալելու են ՙՙՏոտտենհեմի՚՚ ֆուտբոլիստներին:

ՙՙՍաութհեմթոնն՚՚ երրորդ տեղում է՝ 13 միավորով: վերջին տուրում այս ակումբի ֆուտբոլիստները նվազագույն հաշվով զիջել են ՙՙՏոտտենհեմին՚՚:

ՙՙՍաութհեմթոնի՚՚ ֆուտբոլիստները հաջորդ տուրում ուժերը չափելու են ՙՙՍանդերլենդի՚՚ հետ:

ՙՏոտտենհեմը՚՚, ՙՙՄանչեսթեր Յունայթեդը՚՚ և ՙՙՍուենսի Սիթիթն՚՚ վաստակել են 11-ական միավոր:

ՙՙՄանչեսթերն՚՚ երեկ առավելության է հասել ՙՙԷվերթոնի՚՚ նկատմամբ՝ 2:1:

Հաջորդ տուրում գրանդ ակումբն ուժերը չափելու է ՙՙՎեստ Բրոմվիչի՚՚ հետ:

Յոթ տուրից հետո՝ ռմբարկուների աղյուսակը ինը գնդակով գլխավորում է ՙՙՉելսիի՚՚ հարձակվող Դիեգո Կոստան:

Իսպանիայի առաջնության միանձնյա առաջատարն է ՙՙԲարսելոնան՚՚՝ յոթ տուրից հետո վաստակելով 19 միավոր: Կատալոնացիներն առայժմ ոչ մի գնդակ բաց չեն թողել. թիմի դարպասապահ Կլաուդիո Բրավոն նոր ռեկորդ է գրանցել Իսպանիայի առաջնությունում:

Վերջին տուրում, ՙՙԲարսելոնան՚՚ արտագնա խաղում երկու անպատասխան գնդակ է ուղարկել ՙՙՌայո Վալեկանոյի՚՚ դարպասը:

Հոկտեմբերի 18-ին կատալոնացիները հյուրընկալելու են ՙՙԷյբարին՚՚:

Երկրորդ տեղում, 17 միավորով, ՙՙՎալենսիան՚՚ է, որը խիստ սկզբունքային խաղում 3:1 հաշվով հաղթեց Մադրիդի ՙՙԱտլետիկոյին՚՚:

Հաջորդ տուրոմ վալենսիացիներրը կհյուրընկալվեն ՙՙԴեպորտիվոյին՚՚:

ՙՙՍևիլյայի՚՚ ֆուտբոլիստները վաստակել են 16 միավոր ու երրորդ տեղում են:

Ժամեր առաջ, նրանք 4:1 հաշվով ջախջախել են ՙՙԴեպորտիվոյին՚՚: երկու գոլի հեղինակ է դարձել Ստեֆան Մբիան:

Հոկտեմբերի 19-ին ՙՙՍևիլյան՚՚ կհյուրընկալվի ՙՙԷլչեին՚՚:

Հրաշալի մարզավիճակում էՙՙՌեալը՚՚. վերջին խաղում մադրիդցիները հինգ անպատասխան գնադակ ուղարկեցին Բիլբաոյի ՙՙԱտլետիկի՚՚ դարպասը. երեք անգամ աչքի ընկավ Կրիշտանու Ռոնալդուն, երկու անգամ՝ Կարիմ Բենզեման:

ՙՙՌեալը՚՚ չորրրոդ տեղում է՝ 15 միավորով, ու հաջորդ տուրում հյուրընկալվելու է ՙՙԼևանտեյին՚՚:

Ռմբարկուներիի ցուցակը գլխավորում է Ռոնալդուն՝ 13 գնդակով:

Իտալիայի վեցերորդ տուրում կայացել է առաջատարների՝ ՙՙՅուվենթուսի՚՚ ու ՙՙՌոմայի՚՚ հանդիպումը:

Դրամատիկ պայքարում հաղթել են թուրինցիները՝ 3:2 հաշվով: Տանտերերից երկու գնդակի հեղինակ է դարձել Կարլոս Տևեսը:

Վեց խաղ, նույնքան հաղթանակ. առաջատարը ՙՙՅուվենթուսն՚՚ է, երեք միավոր պակաս ունի ՙՙՌոման՚՚:

Հաջորդ տուրում թուրինցինեը կհյուրընկալվեն ՙՙՍասսուոլոյին՚՚, իսկ մայրաքաղի թիմը կընդունի ՙՙԿիևոյին՚՚:

14 միավոր ունի երրորդ տեղում ընթացող ՙՙՍամպդորիան՚՚: Սամպդորիացիները վերջին տուրում հաղթել են ՙՙԱտալանտային՚՚:

ՙՙՈւդինեզեն՚՚ միայն վերջին րոպեին բաց թողեց հաղթանակը՝ ՙՙՉեզենայի՚՚ հետ խաղում, սակայն չորրորդն է՝ 13 միավորով:

Հաջորդ խաղում այս թիմը հյուրընկալվելու է ՙՙՏորինոյին՚՚:

ՙՙՄիլանը՚՚ 2:0 հաշվով հաղթել է ՙՙԿիևոյին՚՚ ու հինգերորդ հորիզոնականում է: Խիստ անհաջող է հանդես գալիս ՙՙԻնտերը՚՚՝ ՙՙՖիորենտինայից՚՚ կրած խոշոր պարտությունից հետո հանգրվանելով տասներորդ հորիզոնականում:

Ռմբարկուն Կարլոս Տևեսն է՝ ՙՙՅուվենթուսից՚՚՝ 6 գնդակ:

Սուրեն Սուրենյանց