Ֆուտբոլի Իսպանիայի ազգային առաջնությունում ավարտվել է վեցերորդ տուրը:

Մրցաշարային աղյուսակը միանձնյա գլխավորում է ՙՙԲարսելոնան՚՚՝ 16 միավորով:

Ուշագրավ է, որ կատալոնացիներն ոչ մի գնդակ բաց չեն թողել այս առաջնության խաղերում:

Վերջին խաղում՝ ՙՙԲարսելոնան՚՚, սեփական հարկի տակ, 6:0 հաշվով ջախջախեց ՙՙԳրանադային՚՚. բրազիլացի Նեյմարը դարձավ երեք գոլի հեղինակ:

Առաջիկա շաբաթ օրը կատալոնացիները կմեկնեն Մադրիդ՝ մրցելու տեղի ՙՙՌայո Վալեկանո՚՚ ակումբի հետ:
14-ական միավորներ ունեն ՙՙՎալենսիայի՚՚ ու Մադրիդի ՙՙԱտլետիկոյի՚՚ ֆուտբոլիստները՝ համապասխանաբար զբաղեցնելով երկրորդ ու երրորդ հորիզոնականները:

ՙՙՎալենսիան՚՚, հյուրընկալվելիս, ոչ-ոքի է խաղացել ՙՙՌեալ Սոսեդիադի՚՚ հետ:

Անցյալ տարվա չեմպիոն ՙՙԱտլետիկոն՚՚ համոզիչ հաղթանակ է տարել այս առաջնության առաջատարներից ՙՙՍևիլիայի՚՚ նկատմամբ՝ 4:0:

ՙՙՍևիլյայի՚՚ ֆուտբոլիստները՝ 13 միավորով, հանգրվանել են չորրորդ հորիզոնականում:
Հաջորդ շաբաթ օրը, տուրի կենտրոնական հանդիպումը տեղի է ունենալու ՙՙՎալենսիայի՚՚ ու ՙՙԱտլետիկոյի՚՚ միջև:

Նույն օրը ՙՙՍևիլիան՚՚ ընդունելու է ՙՙԴեպորտիվոյին՚՚:

Շարունակում է վերելքով հանդես գալ ՙՙՌեալը՚՚՝ վերջին տուրում երկու անպատասխան գնդակ ուղարկելով ՙՙՎիլյառռեալի՚՚ դարպասը:

Այս պահին ՙՙԱրքայական ակումբն՚՚ ընդհուպ մոտեցել է առաջատարներին՝ 12 միավորով զբաղեցնելով հինգերորդ հորիզոնականը:

Հաջորդ տուրում, մադրիդցիները կհյուրընկալեն Բիլբաոյի ՙՙԱտլետիկին՚՚:

Վեց տուրից հետո՝ ռմբարկուների ցուցակը գլխավորում է Կրիշտանու Ռոնալդուն, ում ակտիվում է 10 գնդակ: Ի դեպ, պորտուգալացի հարձակվողը ռեկորդի հեղինակ է դարձել. վեց տուրից հետո՝ դառնալով ավելի շատ գոլի հեղինակ, քան առաջնության 14 թիմեր:

Սուրեն Սուրենյանց