Հայե'ր, գիտե՞ք որ «Մենք ենք, մեր սարերը» կամ «Արցախցիներ» հայտնի քանդակի հեղինակը Հայաստանի ժողովրդական նկարիչ, քանդակագործ Սարգիս Բաղդասարյանն է (1967թ., տուֆ, Ստեփանակերտ): Պատկերը դրոշմված է Արցախի Հանրապետության զինանշանի վրա: Թեեւ Ս. Բաղդասարյանը բազմաթիվ քանդակներ է հեղինակել, սակայն հենց այս կոթողն է համարվում նրա գլուխգործոցը։
Վարպետը հեղինակել է նաեւ «Ավետիք Իսահակյան», «Դավիթ Բեկ», «Մտածողը», «Հունան Ավետիսյան» եւ բազմաթիվ այլ աշխատանքներ, որոնցից շուրջ երեսունը տեղադրված են Հայաստանի տարածքում։ Գործեր ունի տասնյակ երկրների թանգարաններում։
ՀԳ - Սարգիս Բաղդասարյանը ծնվել է 1923 թ.՝ ներկայիս Արցախի Հանրապետության Հադրութի շրջանի Բանաձոր (Բանազուր) գյուղում։ Մեծ արվեստագետը մահացել է Երեւանում՝ 2001 թ.։
