Արցախցի գործարար Լեւոն Հայրապետյանի կալանքին անդրադառնալով՝ ԼՂՀ արտգործնախարարի տեղակալ Մասիս Մայիլյանը շեշտում է, որ երկու հայկական հանրապետությունների պարտքն է սատարել Լևոն Հայրապետյանին։
Մասիս Մայիլյանը դժվարանում է կոնկրետ ասել, թե արդյո՞ք դա քաղաքական հաշվեհարդար է, եւ արդյո՞ք ԼՂՀ զարգացմանը նպաստելու հետ է կապված, թե ոչ, բայց. «Անընդունելի է, պետք է ջանքեր ձեռնարկենք, որ խափանման միջոցը փոխվի, եւ նա հայտնվի ազատության մեջ։
Նա իրոք մեծ ներդրումներ է արել ԼՂՀ-ի համար, մեր բոլորիս պարտքն է, որ ամեն ինչ անենք, որ այդ կարգի մարդը լինի ազատության մեջ։ Ժամանակը ցույց կտա, թե կոնկրետ ինչ քայլեր կարվեն»։ Ըստ փոխարտգործնախարարի՝ այս գործում Լեւոն Հայրապետյանը միայն փոքր դեր ունի»։
Վրեժ Հովսեփյան
