Ոգեշնչված Ջուլիա Ռոբերթսի տաղանդով՝ լատինոամերիկացին մարմնի վրա դերասանուհու պատկերով 82 դաջվածք է արել: 56-ամյա տղամարդը որոշել է նման ձևով արտահայտել իր սերը դերասանուհու նկատմամբ: Դաջվածքները Ջուլիայի՝ տարբեր ֆիլմերում խաղացած կերպարներն են: Նա թերթի վաճառող է աշխատում և վաստակած ամբողջ գումարը ծախսում է նոր դաջվածքների վրա: Նա ասում է, որ 82 դաջվածքը դեռ սահման չէ: Նրա նպատակն է դրանցով ծածկել ամբողջ մարմինը, կարևոր է միայն, որ փողը բավականացնի և մարմնի վրա տեղ լինի, հայտարարել է աստղի երկրպագուն: Ջոլիա Ռոբերթսն այս առիթով ոչ մի պաշտոնական մեկնաբանություն չի տվել:
