Բարձրակարգ հավաքականը շարքայիններից տարբերվում է հենց նրանով, որ իր խաղը պլանավորում է ամբողջ 90 րոպեների համար:

Մինչև երկրորդ խաղակեսի միջնամասը թվում էր՝ Նիգերիայի հավաքականը տիրում է նախաձեռնությանը, խաղադաշտում անհետաքրքիր ֆուտբոլ էր:

Սակայն խաղի վերջնամասում ֆրանսիացիները վերագտան իրենց խաղը
Գրոհների տարափ էր տեղում նիգերացիների դարպասին. մի դեպքում նրանց օգնում էր դարպասապահը, մեկ այլ դեպքում՝ դարպասաձողը:

Ի վերջո, նիգերացիների դարպասապահի նյարդերը տեղի տվեցին, ու Պոլ Պոգբան գլխի գեղեցիկ հարվածով բացեց հաշիվը:

Խաղի վերջին րոպեներին էլ Նիգերիայի դարպասին գրանցվեց ինքնագոլ:

Ֆրանսիացիներն անցան հաջորդ փուլ:   

Սուրեն Սուրենյանց