Սիրիայի նախագահի աշխատակազմը պաշտոնապես հերքել է Բաշար ալ-Ասադի մոր՝ Անիսա Մախլուֆի մահվան մասին տարածված լուրերը՝ դրանք որակելով անհիմն: Թեման արաբական լրատվամիջոցներում և սոցիալական ցանցերում շրջնառվել է դեռևս հունիսի 22-ից: Նշվում էր, թե իբր Անիսա Մախլուֆը մահացել է սրտի կաթվածից:

Վերոնշյալը Սիրիայի նախագահի մոր մասին նման բնույթի լուրերի տարածման առաջին դեպքը չէ. այդ երկրում հակամարտության բռնկվելուց ի վեր բազմիցս են տարածվել տեղեկություններ Մախլուֆի՝ երկրից փախուստի դիմելու, նրան տեղափոխող ավտոշարասյան վրա իրականացված հարձակման, առողջական վիճակի վատթարացման, անգամ մահվան մասին:

Ինչպես երևում է, հերթական անգամ ականատես ենք լինում ապատեղեկատվության:

Արմեն Պետրոսյան