Թե ինչպես են անցել հունիսի 15-ին Վրաստանում կայացած ՏԻՄ ընտրությունները.

1. Ընտրություններն ընթացել են ընտրախախտումներով;

2. Հրկիզել են ընդդիմադիր «ՄԱՇ» կուսակցության ընտրական շտաբի գրասենյակը;

3. Ընտրատեղամասերից մեկում առևանգել են ընտրաթերթիկներ և ընտրատուփ;

4. Քոբուլեթիում ընտրողներից մեկին թույլ չեն տվել մտնել ընտրատեղամաս կիսավարտիքի պատճառով;

5. Բնակավայրերից մեկում դիտորդները հանդիպել են «փակ դռներով» ընտրատեղամաս;

6. Մեկ այլ տեղամասում հանձնաժողովի անդամը պատահաբար զուգարան է նետել ԿԸՀ տրամադրած կնիքը;

7. Ընտրողներից մեկը պատռել է ընտրաթերթիկներ;

8. Ընտրության եկած կին ընտրողի ազգանվան դիմաց գրված է եղել տղամարդու անուն;

9. Ընտրողներից մեկը քվեատուփ է ուղարկել ավելի քան 100 քվեաթերթիկ, ինչն արձանագրել է թաքնված տեսախցիկը;

10. Միաժամանակ մի քանի ընտրող քվեարկության համար նախատեսված քվեախցիկում:

11. Ընտրատեղամասերից մեկի մոտակայքում ընտրողների համար ճաշկերույթ է կազմակերպվել;

12. Արձանագրվել է նաև ցավալի դեպք: Ախալքալաքում սրտի կաթվածից մահացել է ընտրատեղամասային հանձնաժողովի անդամ Լևոն Սապոնջյանը:

Արդյունքում.

1. Ինչպես լինում է հիմնականում՝ առավելագույն ձայներ է հավաքել իշխող քաղաքական ուժը:

2. Որոշ շրջաններում կանցկացվի ընտրությունների երկրորդ փուլ:

Էրիկ Երոյանց