Սա պատմություն է մարդու և ձիու միջև սիրո և ընկերության: Այն մասին, թե ինչպես Նիկոլ Գրեմը նախընտրեց մնալ իր՝ լողափի ցեխերի մեջ խրված ձիու կողքին և պահել նրա գլուխը վերև, որպեսզի կենդանին չխեղդվի, այնքան ժամանակ, մինչև ժամանեն փրկարարները:
Նա զբոսնում էր իր Աստրո անունով ձիու հետ, երբ կենդանին, հանկարծակի խրվում է սորուն ցեխերի մեջ և այլևս չի կարողանում դուրս գալ: Աստրոյի տիրուհին երեք ժամ շարունակ կենդանու գլուխը գրկած, նրա հետ միասին մնում է ցեխերի մեջ: Բայց կենդանին ավելի խորն էր խրվում և շուտով կսկսեր մակընթացությունը, որի ժամանակ արդեն հնարավոր չէր լինի փրկել կենդանուն: Գրեմի հետ էր նաև նրա 18-ամյա դուստրը, որը և հեռախոսով կանչում է փրկարարներին: Վերջիններիս ևս չի հաջողվում կենդանուն դուրս բերել: Եվ միայն տրակտորի ու ուղղաթիռի օգնությամբ են կարողանում կենդանուն հանել լողափնյա ճահճից: Կենդանուն հանելուց հետո Գրեմն ասում էր.
-Դա սարսափելի էր: Ահավոր էր տեսնել, թե ինչպես է քո սիրելի կենդանին հոգնել պայքարելուց:
Բարեբախտաբար ամեն ինչ հաջող ավարտ ունեցավ և ամեն ինչ կատարվեց
վերջին րոպեներին, ինչպես ֆիլմերում:
