Աշխարհի ամենաավտոկրատ լիդերներից մեկը՝ ում իշխանության ուժը, իմիջիայլոց, ուներ և նյութական և հոգեբանական աղբյուր (խոսքը վերաբերում է պետական ռեսուրսներին և Պուտինի անհատական հատկանիշներին), ընկրկեց արևմտյան առաջին կոշտ արձագանքից. Պուտինը հրամայեց զորքերն ուղարկել նախնական դիսլոկացիոն վայրեր: Սա նշանակում է, որ Ռուսաստանը Արևմուտքի հետ հարաբերություններում ուղղակի կաշկանդված է թե տնտեսական, թե դիվանագիտական առումներով: Փաստորեն, սա այն իրավիճակն է, որը հստակ ցույց է տալիս Ռուսաստանի անպատրաստ լինելն արևմտյան տերությունների հետ մրցակցային, առավել ևս՝ կոնֆլիկտային հարաբերությունների մեջ մտնելը: Բայց, Ռուսաստանը, անշուշտ, այնքան հզոր չէ, որ գնա բացահայտ առճակատման, սակայն այնքան թույլ էլ չէ, որ այսքան շուտ ու հեշտ Արևմուտքի համար ձեռնտու որոշումների գնա:

Արման Սահակյան