«Օսկար 2014» միջոցառմանը 3 շաբաթից էլ քիչ ժամանակ է մնացել: Շուտով թեկնածուները կպատրաստվեն ամենասպասված իրադարձությանը: Քանի դեռ ժամանակ կա, թեկնածուներն հավաքվել են «Բևեռլի Հիլզում» ' մասնակցելու ամենամյա միջոցառմանը: Այս մասին հաղորդում է Spletnik.ru կայքը: Միջոցառման ավանդական հյուրերը սովորաբար դերասաններ, ռեժիսորներ, սցենարիստներ, ինչպես նաև կինոարտադրությամբ զբաղվող այլ գործիչներ են, որոնք նոմինացված են տարբեր անվանակարգերում: Այս տարի կարմիր գորգին են հայտնվել «Լավագույն դերասանուհի» անվանակարգում առաջադրված Քեյթ Բլանշեթը, Սանդրա Բալլոքը, Էմմի Ադամսը, ինչպես նաև«Լավագույն դերասան» անվանակարգում առաջադրված Լեոնարդո Դի Կապրիոն, Քրիստիան Բեյլը և Մեթյու Մքքոնախին: Ներկա էին նաև Բրեդլի Կուպերը, Ջարեդ Լետոն, Ջոն Հիլլը և այլք: Ջուլիա Ռոբերթսը ևս պետք է լիներ թեկնածուների շարքերում, սակայն ավանդական դարձած միջոցառումը բաց է թողել 37-ամյա խորթ քրոջ մահվան պատճառով: Չնայած նրան, որ բոլոր ներկաներն էլ ցանկանում են հաղթել, այնուամենայնիվ, նրանց միջև լարվածություն չկար: Հայտնիները մտերմաբար շփվել են, կատակներ արել: Անհամբերությամբ սպասում ենք Օսկարի ամենամյա 86-րդ փառատոնին, որն, ի դեպ, այս տարի կկայանա մարտի 2-ին:
