Թուրքական պաշտոնական տվյալներրի համաձայն վերջին տարիներին Թուրքիայում կտրուկ ավելացել է իրանական ընկերությունների թիվը: Թուրքիայում մինչև 2010 թվականը գործել է մոտ 1500 իրանական կապիտալով ընկերություն: 2010 թվականից հետո Իրանի նկատմամբ միջազգային տնտեսական պատժամիջոցների կիրառման պարագայում իրանական ընկերությունների թիվը վերջին տարիների ընթացքում կտրուկ աճ է գրանցել: Միայն վերջին 3 տարիների ընթացքում Թուրքիայի տարածքում հիմնվել է ավելի քան 2 հազար իրանական ընկերություն, որոնք գործում են բազմապիսի ոլորտներում' առողջապահությունից մինչև էներգետիկա: Վերջին զարգացումների համատեքստում թուրքական Հալքբանկի դեմ հետաքննությունը նույնպես կապված է Իրանի հետ իրականացված գործարքների հետ: Այս համատեքստում Թուրքիայում տեղի ունեցող զարգացումների արտաքին կողմը կարող է որոշակիորեն ուրվագծվել:
ԱՄՆ-ի Սենատը դեռևս այս տարվա ապրիլին արշավ էր սկսել Թուրքիայի դեմ' մեղադրելով Իրանի դեմ կիրառվող տնտեսական պատժամիջոցները Հալքբանկի միջոցով շրջանցելու մեջ: Սենատի կողմից Թուրքիայի դեմ սկսված արշավը, ըստ մամուլի հրապարակումների, կազմակերպվել են իսրայելական AIPAC լոբբիստական խմբի կողմից: Բացի այդ, սրան հետևեց Անկարայում ԱՄՆ-ի դեսպանի դեմ մեղադրանքները' երկրի ներքին գործերին միջամտելու փաստարկներով: Հիմա էլ ԱՄՆ-ն է տարբեր մեսիջներ ուղղում Թուրքիայի կառավարությանը: Իսկ Թուրքիայում ներքաղաքական զարգացումների շրջանակում պետք է ի նկատի ունենալ Գյուլենին, որը բնակվում է ԱՄՆ-ում և ունի լուրջ լծակներ հենց Թուրքիայի ներսում: