Replik.am-ը գրում է.

Ամուսնական դավաճանությունը շատ տգեղ, իսկ ավելի ճիշտ սխալ քայլ է, սակայն կնոջը դավաճանության պահին բռնացնելը, այդ ամենը նկարահանելը և համացանցում տեղադրելը, հավանաբար ավելի տգեղ է:

Ահա այսպես է որոշել սեփական կնոջը պատժել բրիտանացի տղամարդը, ով կնոջը «բռնացրել է» հենց դավաճանության պահին, նկարահանել այդ ամենը և տեղադրել YouTube-ում:

Համացանցում հայտնված տեսանյութում երևում է արտասվող կինը, ով դեմքը ծածկում է սավանով: «Այս կադրերը լինելու են YouTube-ում»,-ասել է ամուսինը կնոջը նկարահանելով: Իսկ այդ ընթացքում վատ վիճակում հայտնված կինը աղաչում է ամուսնուն տեսանյութը չհրապարակել, սակայն վերջինս անդրդվելի է մնում:

Բարկության պահին ամուսինը կարծես մոռանում է ինչի համար է նկարահանում կնոջը և սկսում է քննադատել նրան անկողինը վատ հարդարելու և սառնարանը դատարկ պահելու համար: Միևնույն ժամանակ նա բղավում է. «Ես գիտեի, որ դու ինչ-որ բան թաքցնում ես, ես գիտեի»:

Դժվար է պատկերացնել սրանից ավելի դաժան պատիժ, սակայն տեսանյութը ամուսնուն հավանաբար ավելի շատ պետք է նեղություն տա, քան կնոջը: