Բրիտանական Նոթհինգհեմում ողբերգություն է կատարվել: Ֆրանսիական մաստիֆ ցեղատեսակի հսկայական շունը ճզմել է 4-ամյա աղջնակին: Շունն իր ուժով երխային կյանքի հետ անհամատեղելի վնասվածք է հասցրել: Վշտախեղդ մայրը շանը մորթել է: Դեպքից մեկ շաբաթ առաջ Լեքսի Հադսոնի մայրը' Ջոդին, շանը կենդանիների կացարանից էր վերցրել, որտեղ հայտնվել էր նախորդ տիրոջ վատ վերաբերմունքի պատճառով: Թվում էր, թե շունն ու փոքրիկը լավ հարաբերությունների մեջ էին: Սակայն, ինչ-որ պահ մաստիֆը հարձակվել է աղջկա վրա ու նրան թաթերով սկսել է խեղդել: Վախեցած մայրը աղջկան փրկելու համար դանակով հարձակվել է շան վրա: Փոքրիկին տեղափոխել են հիվանդանոց, սակայն այնտեղ նա ստացած վնասվածքներից մահացել է: Ինչպես Ջոդիի ծանոթներն են ասել, փոքրիկը ժամկետից 3 ամիս շուտ էր ծնվել, դրա համար էլ շատ նվազ էր: Դա է պատճառը, որ մաստիֆը երեխային հեշտությամբ վնասել է: 
