Միանշանակ դժվար է սիրած էակին գտնելը, բայց ավելի դժվար է գտնելուց հետո վերջինիս պահելը: Եւ այսպես մի քանի խորհուրդ LoveYou.am-ից:
Առաջին հերթին արեք այնպես, որ ձեր սիրելին ամենից առաջ ձեր մեջ հավատարիմ ընկերոջ ու կողակցի տեսնի: Նա չպետք է լինի օբյեկտ, որ կարող է ծառայել միայն ցանկությունների բավարարման համար, առավելեւս նա դա չպետք է զգա:
Փոքր- ինչ խանդ: Սա եւս կարեւոր մանրուք է, որն արժե հաշվի առնել, չնայած սահմանների մասին մոռանալ եւս հարկավոր չէ: Դուք պետք է ցույց տաք ձեր սիրելիին, որ, երբ ձեզ համար հակառակորդներ առաջ գան, դուք կարող եք լքել նրան:
Ժամանակ առ ժամանակ փոխեք ձեր համեստ ու «տան աղջկա» կերպարը, փոխարինեք այն ավելի չարաճճի ու անսանձ աղջկա կերպարով: Եղեք տարբեր:
Փոխեք ձեր հետաքրքրությունների շրջանակը, բայց ոչ հանուն սիրելիի: Արեք դա ձեր անձն ավելի հետաքրքիր դարձնելու համար, որպեսզի ձեր սիրելին ձեր մեջ գտնի նաեւ հետաքրքիր զրուցակցի:
Բազմօրինակություն ինտիմ կյանքում: Աշխատեք տարբեր լինել նաեւ անկողնում, սա եւս կարեւոր նախապայման է հարաբերություններն ավելի երկարակյաց դարձնելու համար:
Միայն մտերմանալով ու իրար հասկանալով կարող եք երկար պահպանել հարաբերություններն ու միասին մնալ, իսկ դրա համար պարզապես պետք է միասին ավելի շատ ժամանակ անցկացնել, ավելի հարազատ ու ջերմ դառնալ: Քննարկեք միասին ձեր ապագային վերաբերող հարցեր, ավելի անկաշկանդ ու ըմբռնող եղեք միմյանց նկատմամբ:
Նյութը պատրաստեց Հայկուհի Ջանիկյանը
LoveYou.am